Áýe apaty bolǵan jaǵdaıda ushaqtyń qaı oryndarynda aman qalý yqtımaldyǵy joǵary?
Áýe apatynan qaza tabý yqtımaldyǵy óte tómen - 11 mıllıonnan bir jaǵdaı. Soǵan qaramastan, áýe apaty bolyp turady jáne sonaý bıikten qulaǵan ushaqtyń jolaýshysy tańǵalarlyq jaǵdaıda aman qalǵan sátter de joq emes. Aman qalýdyń birden bir joly, jolaýshynyń tańdaǵan ornyna tikeleı baılanysty, dep habarlaıdy Almaty-akshamy.kz. CNN portalyna silteme jasap.
Basylym málimetinshe, 35 jylda apattardy zertteý nátıjesinde, borttyń ortańǵy bóliginde otyrǵan jolaýshylardyń aman qalý múmkindigi tómen eken - mert bolý kórsetkishi 39 paıyz, aldyńǵy bólik - 38 paıyz, al artqy bóligi - 32 paıyz.
Negizinen apatty jaǵdaıda ashylatyn esikterge jaqyn otyrǵan jolaýshylar aman qalady: shyǵý esigine kim jaqynyraq otyrsa, sonyń barynsha aman qalý múmkindigi bar.
Tótenshe jaǵdaı kezinde besinshi qatardan alys emes oryndarda otyrǵan jolaýshylardyń aman qalý múmkindigi zor. Biraq altynshy qatardan bastap múmkindikter aıtarlyqtaı tómendeıdi.
Benzın bagy jarylǵan sátte salonnyń ortańǵy bóliginde otyrǵandar mert bolady, sebebi bak osy jerde ornalasqan. Al órt jaǵdaıynda artynda otyrǵandardyń jaǵdaıy múshkil.
Soqtyǵysý kezinde shette otyrǵandar kóbirek zardap shegedi.