2023 jyldyń 24 qańtarynan bastap Almaty jáne qala mańyndaǵy aýmaqta qalada stasıonarlyq emes saýda obektilerin ornatý qaǵıdalary kúshine endi.
Bul týraly Óńirlik komýnıkasıalar qyzmetinde ótken brıfıńte Almaty qalalyq Kásipkerlik jáne ınvestısıalar basqarmasynyń basshysy Berik Soltanbaev aıtty, dep habarlaıdy Almaty-akshamy.kz.
Jańa ereje stasıonarlyq emes bólshek saýda nysanynyń syrtqy túrine qoıylatyn talaptardy belgileıdi (SESN). Stasıonarlyq emes saýda nysanynyń eskızdik jobasy aýmaqtyń sáýlettik-kórkemdik kelbetin, estetıkalyq sıpattamalaryn (paıdalanylatyn jabdyqtyń túri, onyń pishini, parametrleri (ólshemderi), proporsıalary, masshtaby) saqtaı otyryp, qasbetterdiń syzbasy men nysannyń stıli, sondaı-aq aınaladaǵy ǵımarattardyń sáýlettik jáne qala qurylysy sheshimine sáıkes kelýi kerek.
«Kásipkerlik sýbektileri stasıonarlyq emes saýda obektilerin ornatý kezinde jaıaý júrginshilerdiń erkin júrip-turýyn (jaıaý júrginshiler trotýarynyń bóliginiń eni keminde 1,5 metrdi quraıdy), múgedekterge jáne basqa da az qozǵalatyn toptarǵa, halyqtyń, tótenshe jaǵdaılarda arnaıy kólikterdiń kedergisiz kirýine, órt sóndirý bólimshelerine, apattyq-qutqarý quraldarynyń qoldanystaǵy ǵımarattar men qurylystarǵa kirýine jaǵdaı jasaýdy qamtamasyz etýi kerek. Aıta ketý kerek, stasıonarlyq emes saýda nysandaryn ornatý men ornalastyrýdyń jańa erejeleri elimizde alǵash ret engizilip otyr. Jańashyldyq «Almaty qalasynyń erekshe mártebesi týraly» zańǵa sáıkes múmkin boldy», - dep naqtylady B.Soltanbaev.
Sonymen qatar, jańa erejelerge sáıkes, taýarlardyń uqsas assortımentin satatyn uqsas stasıonarlyq bólshek saýda nysandarynyń bolmaýy ornalasý oryndaryn anyqtaýdyń mindetti sharty bolyp tabylady. Qoǵamdyq tamaqtandyrý obektileri sondaı-aq ornalasqan jerinen jıyrma metrden aspaıtyn qashyqtyqta ınjenerlik jelilerge (sý qubyry, káriz, elektr qýaty) qosylý núktelerin qajet etedi.