Osy jyldyń jeltoqsan aıynan bastap jolaýshylar arasynda suranysy joǵary baǵyttar boıynsha №101/102 «Astana–Almaty» jáne №111/112 «Astana–Shymkent» baǵytyndaǵy qosymsha Talgo poıyzdary qatynaı bastaıdy.
Qosymsha poıyzdarǵa bıletterdi jolǵa shyǵýǵa 45 kún qalǵanda bilet.railways.kz saıtynan nemese vokzaldardaǵy «Jolaýshylar tasymaly» AQ kasalarynan satyp alýǵa bolady. Poıyzdardyń «pakettik» qozǵalys kestesi «DB E&C» kompanıasymen birlesip júzege asyrylyp jatqan «Intermodaldy tasymaldar – HAB júıesi» jobasy aıasynda engizilip jatyr.
«Biz «Jolaýshylar tasymaly» AQ-men birlesip, marshrýttyq jelini ońtaılandyrýǵa arnalǵan ınovasıalyq sheshimder ázirleýdemiz. Bul jolaýshylarǵa qyzmet kórsetý sapasyn jaqsartyp, Qazaqstannyń iri qalalary arasyndaǵy qozǵalys jyldamdyǵyn arttyrýǵa múmkindik beredi», – dedi «DB E&C» kompanıasynyń ıntermodaldy tasymaldar boıynsha bas dırektory Nıkolaıs Sıdorovs.
Sonymen qatar, jolaýshylarǵa qolaıly jaǵdaı jasaý maqsatynda HAB ortalyqtarynda qala mańyna qatynaıtyn jáne aralas kólik túrleriniń damýy aıasynda jańa temirjol marshrýttyq jelisin qurý múmkindigi de qarastyrylýda.