Petropavlda mektepke pyshaq pen balta ákelip, 3 balany jaraqattaǵan 9-synyp oqýshysyna sot 2 aıǵa qamaýda ustaý bultartpas sharasyn taǵaıyndady.
Soltústik Qazaqstan oblystyq soty baspasóz qyzmetiniń málimetinshe, 15 aqpanda Petropavl qalasynyń mamandandyrylǵan tergeý soty kámeletke tolmaǵan D.-ny 2 aı qamaýda ustaý jóninde sanksıa berdi, dep habarlaıdy Almaty-akshamy.kz.
«QR Qylmystyq-prosessýaldyq kodekstiń 201-babyna sáıkes, sotqa deıingi tergep-tekserýdiń basqa derekteri jarıa etilýge jatpaıdy», - delingen habarlamada.
Eske salaıyq, 13 aqpanda Petropavl mektebinde balta jáne pyshaqpen qarýlanǵan 9-synyp oqýshysy 3 balany jaraqattady. Olardyń ekeýi aýrýhanada jatyr.
Belgili bolǵandaı, jasóspirimniń psıhıkalyq derti baryna qaramastan, Almaty qalasynyń Respýblıkalyq psıhıkalyq densaýlyq ǵylymı-tájirıbelik ortalyǵy jalpy bilim berý baǵdarlamasy boıynsha oqýyn jalǵastyrýǵa ruqsat bergen.