Saılaýǵa túsýge ótinish bergen 3 kandıdat sońǵy 10 jylda Qazaqstan aýmaǵynda turǵanyn dáleldeı almaǵan.
Sebebi Ortalyq saılaý komısıasy olarǵa keı jyldary «shetel asyp ketti» dep kúmán keltirgen. Alaıda tirkeýden shyǵyp qalǵandar sotqa aryzdanyp, saıası dodaǵa qatysýǵa jaramdy dep tanylǵan, dep habarlaıdy Almaty-akshamy.kz. Qazaqstan.tv-ǵa silteme jasap.
«Qazaqstan zańgerler odaǵy» qurǵan arnaıy shtab osy ispettes máselelerde kandıdattar óz quqyǵyn qorǵaı bilýi kerek deıdi. Sondaı-aq shtab músheleri nasıhat naýqany bastalmaı jatyp, úgit júrgizýshilerdiń de kóbeıgenin aıtady.
Bul boıynsha kandıdattardyń ústinen túsken aryz birden Ortalyq saılaý komısıasy men prokýratýraǵa joldanady.
«Qazirgi ýaqytta tek tirkeý prosesi júrip jatyr. Al úgitteý, úgit-nasıhat prosesi 18-nen keıin bolady. Oǵan deıin ondaı áńgimeler bolmaýy kerek. Tek zańnyń deńgeıinde jumys isteý kerek. Eger shynynda da sondaı nárse órship, bir-birine degen talap-aryz jazyp, saılaý komısıalaryna berip jatsa, kináli jaqty alyp tastaýy múmkin saılaýdan», - deıdi «Qazaqstan zańgerler odaǵy» RQB tóraǵasy Serik Aqylbaı.