Joldardy kútip-ustaýǵa 893 arnaıy tehnıka men 1145 jolshy jumyldyryldy.
Aýa raıynyń qolaısyzdyǵyna baılanysty úsh oblysta respýblıkalyq mańyzy bar avtojoldardyń 4 ýchaskesinde kólik qozǵalysyna shekteý engizildi, dep habarlaıdy Almaty-akshamy.kz QazAvtoJol-ǵa silteme jasap.
2 aqpan saǵat 11.00-degi ahýalǵa sáıkes:
Jambyl oblysynda – 2 ýchaske
"Almaty-Tashkent-Termez" 534-593 km, Aısha Bıbi aýylynan Túrkistan oblysy shekarasyna deıin – 59 km. Shekteý avtokóliktiń barlyq túri úshin qoldanylady.
"Almaty-Tashkent-Termez" 159-476 km, Kenen aýylynan Aqsholaq aýylyna deıin – 317 km. Shekteý júk kólikteri úshin engizildi (burqasyn, shekteýli kórinis).
Jetisý oblysynda – 1 ýchaske
"Úsharal-Dostyq" 84-184 km, Kóktuma stansasynan Dostyq stansasyna deıin – 100 km. Shekteý avtokóliktiń barlyq túri úshin qoldanylady (burqasyn, shekteýli kórinis).
Túrkistan oblysynda – 1 ýchaske
"Almaty-Tashkent-Termez" 593-652 km, Jambyl oblysynyń shekarasynan Mashat eldi mekenine deıin – 59 km.Shekteý avtokóliktiń barlyq túri úshin qoldanylady (Jambyl oblysyndaǵy aýa raıynyń qolaısyzdyǵyna baılanysty).