Oqıǵa Oraldaǵy balabaqshada bolǵan.
"Sabi" jeke balabaqshasynda balalardyń ústine bıiktigi eki metrdeı shkaf qulap ketken, dep habarlaıdy Almaty-akshamy.kz
Búldirshinderdiń kıimi men kerek-jaraǵy salynǵan shkaf oqystan qulaǵan kezde tárbıeshi qalqalap úlgergenimen, 4 bala astynda qalyp qoıǵan.
Bári de jedel járdemmen aýrýhanaǵa jetkizildi. Bes jastaǵy qyz balalardyń keýde tusy men bilek-qoly jeńil jaraqattanǵan. Dárigerler olardy qarap, úılerine jiberdi. Aıaǵyn jaraqattaǵan 47 jastaǵy tárbıeshige ambýlatorıalyq em taǵaıyndaldy.
Oqıǵa ornyna polısıa baryp, mán-jaıdy anyqtap jatyr. Balabaqshada 125 bala tárbıelenedi, 30-ǵa jýyq qyzmetker jumys isteıdi.
"Qazir balabaqshada qyzmettik ishki tekseris júrip jatyr. Qazir men sol jaqtan kelip jatyrmyn. Balalardyń jaǵdaıy jaman emes, jaqsy. Ondaı qatty jaraqat alǵan joq" dedi balabaqsha ákimgeri Záýre Qýanyshqalıeva.