Qalada áli turǵyn úıge kezekte 38 139 azamat tur.
Almatyda 3 myńnan astam adam jeńildetilgen baǵdarlamalar boıynsha baspanaly boldy, dep habarlaıdy Almaty-akshamy.kz
2022 jyldyń qorytyndysy boıynsha, túrli jeńildetilgen memlekettik baǵdarlamalardy júzege asyrýdyń arqasynda Almatyda kóp balaly jáne az qamtylǵan otbasylar men jumysshy jastardy qosqanda 3167 adam qonys toıyn atap ótti.
«Shańyraq» (5-10-20) jáne «Baqytty otbasy» (2-10-20) nesıelik baǵdarlamalar boıynsha turǵyn úıdi tıisinshe 1988 jáne 162 adam satyp aldy. «Almaty jastary» jastar baǵdarlamasyna 971 adam qatysty. Jaldamaly baspana alý quqyǵyn 46 almatylyq paıdalandy.
«Shańyraq» (5-10-20) jáne «Baqytty otbasy» (2-10-20) kezekte turǵandar úshin jeńildikti baǵdarlamalardyń ákimshisi «Otbasy Bank» AQ bolyp tabylady. Ákimdikte esepte turǵan, turǵyn úıge muqtaj azamattar «Shańyraq» pılottyq jobasynyń qatysýshylary bola alady. Sońǵy alty aıdaǵy árbir otbasy múshesiniń tabysy aıyna 3,7 eń tómengi kúnkóris deńgeıinen aspaýy kerek. Turǵyn úıdi kez kelgen jańa turǵyn úı nysandarynan satyp alýǵa bolady. Olardy ákimdikter, «Shańyraq» baǵdarlamasy aıasynda da, jeke qurylys júrgizýshiler de sala alady. Turǵyn úıdi úlestik qatysý sharty boıynsha da satyp alýǵa bolady (paıdalanýǵa berilmegen), biraq qurylys salýshyda turǵyn úı qurylysynyń Biryńǵaı operatory – «Qazaqstandyq turǵyn úı kompanıasy» AQ kepildigi bolǵan jaǵdaıda ǵana.
«Baqytty otbasy» (2-10-20) baǵdarlamasy boıynsha turǵyn úıge kóp balaly otbasylar, İ jáne İİ toptaǵy múgedek adamdar, jetim balalar jáne múgedek balalary bar nemese olardy tárbıelep otyrǵan otbasylar úmitker bola alady. Turǵyn úıdi ótinish berýshi ákimdikte kezekte turǵan aımaqta ǵana satyp alýǵa bolady. Kezek tizimin Shanyraq bólimindegi kezekte.kz veb-saıtynan tekserýge bolady Negizgi tabys bolǵan jaǵdaıda nesıe beriledi. Negizgi tabys eńbek jáne/nemese kásipkerlik qyzmetten túsetin tabys bolyp tabylady. Osy baǵdarlamalarǵa qatysý sharttary týraly tolyǵyraq aqparat banktiń saıtynda jarıalanǵan.
Sonymen qatar, Almaty qalasynda jastardy qoldaý úshin eki turǵyn úı baǵdarlamasy iske asyrylýda, olar: «Almaty jastary» jeńildikpen kredıtteý jáne 29 jasqa deıingi jumys isteıtin jastarǵa satyp alý quqyǵynsyz jalǵa beriletin turǵyn úı.
Almaty qalasynyń ákimdigi turǵyn úıge muqtaj azamattarǵa kórsetiletin kómek kólemin dáıekti túrde arttyryp keledi. 2023 jyly memlekettik baǵdarlamalar boıynsha 5266 adamdy turǵyn úımen qamtamasyz etý josparlanýda:
«Shańyraq» (5-10-20) jáne «Baqytty otbasy» baǵdarlamalary
boıynsha nesıelik turǵyn úıdi 2715 otbasy alatyn bolady; - 401 otbasyǵa (kópbalaly otbasylarǵa otbasylarǵa - 185 páter, halyqtyń áleýmettik osal toptaryna - 216 páter) jalǵa beriletin páter berý josparlanýda;
- «Almaty jastary» baǵdarlamasyn keminde 1100 adam paıdalanady
(ákimniń sheshimimen 2023 jyldan bastap densaýlyq saqtaý jáne bilim berý salasynyń qyzmetkerleri úshin 100 páterge kóbeıtildi);
- 29 jasqa deıingi jumys isteıtin jastar úshin 1050 páterdi jalǵa berý berý josparlanýda
Búginde Almatyda turǵyn úıge kezekte 38 139 azamat tur.