Kvota tek 12 aıdan asqan buqalar men 6 aıdan asqan qoshqarlarǵa belgilenedi.
Aýyl sharýashylyǵy mınıstriniń buıryǵymen 2022 jylǵy 31 jeltoqsannan bastap Qazaqstanda aýyl sharýashylyǵy janýarlaryn shetelge eksporttaýdyń jańa erejeleri engizildi, dep habarlaıdy Almaty-akshamy.kz
Jańa erejelerge sáıkes, tómendegideı sandyq shekteýler engizildi:
- Qazaqstan aýmaǵynan úshinshi elderge jáne EAEO memleketterine 60 myń bas buqany shyǵarýǵa;
- Qazaqstan aýmaǵynan úshinshi elderge jáne EAEO memleketterine 120 myń bas qoshqardy shyǵarýǵa ruqsat.
Buıryqqa sáıkes, kvotalar tek 12 aıdan asqan buqalar men 6 aıdan asqan qoshqarlarǵa belgilenedi, sondaı-aq ol analyq malǵa qoldanylmaıdy.
İri qara boıynsha bir bordaqylaý alańyna 500, bir taýar óndirýshige 200 basqa, al usaq mal boıynsha bir bordaqylaý alańyna 1000, bir taýar óndirýshige 500 mal basyna kvota alýǵa ruqsat.
Búginde eksportqa baǵyttalǵan 602 bas iri qara karantınge qoıylǵan.