Qazaqstan táýelsizdik alǵaly beri ushaqpen qatynaǵandar sany alǵash ret 10 mln-nan asady.
Azamattyq avıasıa komıteti taratqan málimetke sensek, áýe kóligindegi jolaýshy tasymaly barlyq boljamdardan ozyp, ótken jyly pandemıaǵa deıingi 2019 jyldan da úlken ósim kórsetti, dep habarlaıdy Almaty-akshamy.kz.
Máselen, 2022 jylǵy 11 aıdyń qorytyndysy boıynsha, qazaqstandyq áýe kompanıalary tasymaldaǵan jolaýshy sany 2021 jylmen salystyrǵanda 15%-ǵa artyp, 9,9 mıllıonǵa jetti (2021 jyly – 8,6 mln, 2020 jyly – 5 mln jolaýshy).
Boljam boıynsha, 2022 jylǵy tasymaldanǵan jolaýshy sany shamamen 10,8 mıllıonǵa jetedi dep kútilip otyr.
2021 jylǵy kórsetkishpen salystyrǵanda, ósim (9,4 mln jolaýshy) - 15%.
Qazaqstan táýelsizdik alǵaly beri alǵash ret jolaýshylar tasymaly 10 mıllıon jolaýshydan asady.
Ótken jyly qańtar-qarasha aılarynda otandyq áýe kompanıalary ishki baǵyttarda 7 mln (2021 jyly – 6,9 mln, 2020 jyly – 4,1 mln), halyqaralyq baǵyttarda – 2,9 mln jolaýshy (2021 jyly – 1,7 mln, 2020 jyly – 0,9 mln) tasymaldady.
Air Astana áýe kompanıasynyń jolaýshylar aǵyny shamamen 3,7 mln adam, FlyArystan – 3 mıllıonǵa jýyq, SCAT – 2,7 mln jáne Qazaq air – 0,5 mln adam boldy.