Prezıdenttikke kandıdat Qasym-Jomart Toqaevty qoldaý maqsatynda saılaýaldy shtabynyń ókilderi dárigerler arasynda jumyspen qamtý jáne jumysshylardyń quqyqtaryn qorǵaý máselelerin talqylady, dep habarlaıdy «Almaty aqshamy».kz toqaev2022.kz-rt paraqshasyna silteme jasaı otyryp.
«Bizdiń kandıdat Qasym-Jomart Kemeluly 2030 jylǵa qaraı júrgizetin reformalar negizinde elge barynsha kóp ınvestısıa tartýdy josparlap otyr. Osy ınvestısıalar arqyly 3,3 mıllıonnan astam jańa jumys oryndary qurylady, onyń keminde 2,3 mıllıony jastarǵa arnalmaq. Jumys oryndary týrızm, bıznes jáne agroónerkásiptik keshen salasynda qurylatyn bolady», - dedi Mańǵystaý oblysy boıynsha shtab tóraǵasy Nurbek Qarasaev.
Kezdesý barysynda IT salasyn damytý jáne onyń halyqaralyq deńgeıge shyǵý múmkindigi máseleleri kóterildi.
-Búginde jastar kez-kelgen qoǵamnyń damýynda mańyzdy ról atqarady. Qazir IT salasynda jastardy oqytý úshin burynǵydan da qolaıly jaǵdaı jasaý qajet. Bul qaǵıdany bizdiń kandıdat berik ustanady, - dedi «Amanat» partıasy elordalyq fılıalynyń atqarýshy hatshysy Berik Jákenov.
IT-kompanıalarda keminde 150 myń jańa jumys ornyn ashý josparlanýda. Sonymen qatar Túrkistanda Bir tolqynda dıalog alańy aıasynda jas urpaqty jan-jaqty qoldaý sharalary, onyń ishinde óz bıznesin bastaǵan jastarǵa 2,5% nesıe berý múmkindigi qarastyrylyp otyr. Bul mindetterdi Qasym-Jomart Toqaev óziniń saılaýaldy baǵdarlamasynda atap ótken bolatyn. Saılaý naýqany bastalǵannan beri saılaýshylar arasynda elimizdiń barlyq óńirlerinde Prezıdenttikke kandıdattardan 10 myńnan astam úgit-nasıhat is-sharalary ótti.
20 qarashadaǵy Prezıdent saılaýyna OSK alty kandıdatty tirkedi. Prezıdent saılaýy 20 qarashada ótedi.