Prezıdenttikke úmitker Nurlan Áýesbaev tyǵyz salynǵan qurylysqa qarsy pikir bildirdi.
Ol bul másele tek elorda jáne Almaty qalasymen shektelmeıtindigin atap ótti. Búgingi kúni bul Qazaqstannyń barlyq derlik qalalaryna tanys jaǵdaı. Nurlan Áýesbaevtyń pikirinshe, tyǵyz qurylys qala qasiretine aınalýda. Odan bólek toıymsyz qurylys salýshylarǵa eń jaqsy jer telimderiniń beriletini taǵy bar. Oǵan qosa ákimdikter ıgerýge bas jospar boıynsha mektep, balabaqsha men aýrýhanalar salynýy tıis jerlerdi berýde. Nátıjesinde turǵyndar áleýmettik ınfraqurylymnyń joqtyǵynan zardap shegedi.
Nurlan Áýesbaev qoǵam aldynda turǵan taǵy bir másele – sybaılas jemqorlyq. Qurylys salýshylar óz múddelerin ǵana oılap, para berý arqyly eń jaqsy jer telimderin ıelenýge umtylady dep esepteıdi.
Úmitkerdiń pikirinshe, jaǵdaıdy barlyq deńgeıdegi ákimderdi tikeleı saılaýdy engizý arqyly ǵana ózgertýge bolady.
– Qala basshylary halyq aldyndaǵy jaýapkershilikterin sezinbeıinshe, paraqorlyqty jeńý múmkin emes, – deıdi ol.
Osy ýaqytta Almatyda belsendiler «Salaýatty ómir salty men tabıǵattyń saqtalýy úshin!» Nurlan Áýesbaevty qoldap, taza aýada jattyǵýlar uıymdastyrdy.
Qazaqstan Prezıdentiniń kezekten tys saılaýy 20 qarashada ótedi. Eger basqa óńirde tirkelgen adam 20 qarashada Almatyda bolsa jáne osynda daýys bergisi kelse, onda ol zańǵa sáıkes óziniń tirkelgen jeri boıynsha syrttaı kýálikti alyp, saılaý kúni osy qujatpen kez kelgen saılaý ýchaskesine kelýge tıis ekenin bilý mańyzdy. Sondaı-aq esepten shyǵarý kýáligi basqa saılaý okrýginde nemese bir eldimeken sheginde basqa saılaý ýchaskede daýys berýge qatysqysy keletin saılaýshylarǵa berilmeıdi. Iaǵnı, almatylyqtar ózderi bekitilgen ýchaskelerde ǵana daýys berýi tıis.