"Nartaı" fılmi 5 mamyr kúni kórermen nazaryna usynylady.
Prodúser Gúlnár Sársenova bastaǵan Eurasia Film Production kınokompanıasynyń túsirilim toby 3 jyl jumys istegen «Nartaı" fılmi kórermenge jol tartady. Ol elimizdiń kınoteatrlarynan 5 mamyrdan bastap kórsetile bastaıdy, dep habarlaıdy Almaty-akshamy.kz Elorda.info-ǵa silteme jasap.
Fılmde 1991 jylǵy oqıǵa baıandalǵan. Sújettiń bas keıipkeri - Nartaı Saparǵalıev. Ony KSRO-dan Germanıaǵa qashyp ketken orys ekvılıbrısi tankimen birge kezdeısoq urlap áketedi. Jarqyn qazaq jigiti shet elde dostar taýyp, Múnhenniń basty alańynda – Marıenplasta ártis bolyp jumys isteıdi jáne jolynda kezdesken kez kelgen adamǵa óziniń keremet batyldyǵyn, tapqyrlyǵy men ázilin kórsetedi.
Fılm Vladımıra Kýnınniń «Rýsskıe na Marıenplas» romanynyń jelisimen túsirilgen. Senarıin «Mamy», «Vozvrashenıe Mýhtara», «Lúbov-morkov 3», «Pobeg» jáne «Major» kartınalary arqyly tanymal bolǵan Sergeı Kalýjanov jazdy.
"Árıne, ár kórermen «Nartaıdan» ózine jaqyn bir nárseni tabady. Biraq, men úshin bul - eń aldymen túrli ult pen túrli býynnyń dostastyǵy. Fılm keıipkerleriniń qarapaıymdylyǵy men shynaıylyǵy jasyna, ultyna nemese saıası kózqarasyna qaramastan, kórermenderdiń júregin jylytady dep senemin", – dedi prodúser Gúlnár Sársenova.
Basty rólge kóptegen otandyq akterler, sonyń ishinde Asylhan Tólepov pen Jandos Aıbasov úmitker boldy. Alaıda, avtorlardyń tańdaýy Sháripbek Zákirovke tústi. Bir qyzyǵy, bul - onyń qatysýymen sońǵy aıda shyǵatyn kınoortalyqtyń úshinshi jobasy («1941 jyldyń jazy», «Patrıottar ýaqyty») jáne akterdiń basty róldi somdaǵan alǵashqy fılmi.
Sondaı-aq, fılmge Grıgorıı Chaban men Anna Starchenko jáne olardyń nemis áriptesteri qatysty. Fılmniń qoıýshy-operatory – Azamat Dýlatov. Fılm negizinen Qazaqstan men Germanıada túsirildi.