Memleket basshysy majarstandyq dıplomatqa iltıpat bildirdi.
Memleket basshysy Qasym-Jomart Toqaev Ortalyq Azıa elderine jumys sapary aıasynda elordaǵa kelgen Majarstannyń Syrtqy ekonomıkalyq baılanystar jáne Syrtqy ister mınıstri Peter Sııartony qabyldady, dep habarlaıdy Almaty-akshamy.kz Aqordaǵa silteme jasap.
Kezdesý barysynda Qazaqstan men Majarstannyń saıası, saýda-ekonomıkalyq, ınvestısıalyq jáne mádenı-gýmanıtarlyq salalardaǵy strategıalyq yntymaqtastyǵyn damytýdyń perspektıvalary talqylandy.
Memleket basshysy majarstandyq dıplomatqa iltıpat bildirip, Premer-mınıstr Vıktor Orban jetekshilik etetin basqarýshy «FIDES» alánsyn jýyrda ótken parlamenttik saılaýdaǵy jeńisimen quttyqtady. Qasym-Jomart Toqaev ekonomıkalyq salada múmkindik mol ekenin erekshe atap ótip, Býdapeshtpen aradaǵy yntymaqtastyqty damytýǵa basa mán beretinin aıtty.
Memleket basshysy mınıstrge elimizde júzege asyrylyp jatqan aýqymdy saıası jáne ekonomıkalyq reformalar, Jańa Qazaqstan qurý týraly, sondaı-aq Konstıtýsıaǵa túzetýler engizý úshin referendým ótkizýge daıyndyq jóninde málimet berdi.
Peter Sııarto óz eliniń basshylyǵyn quttyqtaǵany úshin Qazaqstan Prezıdentine alǵys bildirdi. Mınıstrdiń aıtýynsha, basqarýshy partıanyń jeńisi Majarstannyń derbes ári táýelsiz syrtqy saıasatyn odan ári júzege asyrý turǵysynan mańyzdy.
Majarstannyń syrtqy saıası vedomstvosynyń basshysy óz eliniń Qazaqstanmen strategıalyq seriktestikti nyǵaıta túsýge beıildi ekenin jetkizdi. Peter Sııarto Majarstan basshylyǵynyń Qazaqstan Prezıdentin Býdapeshtke saparmen kelýge shaqyrǵanyn eske saldy.
Peter Sııarto Qasym-Jomart Toqaevtyń basshylyǵymen Jańa Qazaqstandy qurý úshin júzege asyrylyp jatqan jumystardy Vıktor Orbannyń qoldaıtynyn jetkizdi.
Eki el arasyndaǵy strategıalyq seriktestikke tyń serpin berý úshin Memleket basshysy Premer-mınıstr Vıktor Orbannyń shaqyrýy boıynsha Majarstanǵa qarymta saparmen barýǵa daıyn ekenin málimdedi.
Sonymen qatar kezdesýde Qasym-Jomart Toqaev pen Peter Sııarto halyqaralyq jáne aımaqtyq kún tártibiniń ózekti máseleleri jóninde pikir almasty.
Kezdesý sońynda Qazaqstan Prezıdenti jańadan saılanǵan Majarstan Prezıdenti Katalın Novakka jáne Premer-mınıstr Vıktor Orbanǵa júrekjardy sálemin joldady.