«Mal urysy» respýblıkalyq is-sharasy oblys aýmaǵynda 23 aqpanǵa deıin jalǵasady
Jambyl oblysynyń polısıa qyzmetkerleri «Mal urysy» jedel-profılaktıkalyq is-sharasyn júrgizý barysynda qylmystyq toptyń is-áreketin áshkereledi, dep habarlaıdy almaty-akshamy.kz.
Olardyń aldyn ala sóz baılasý arqyly Baızaq, Jambyl aýdandarynyń aýmaǵyndaǵy jaıylymdardan birneshe ret jylqy urlap, sodan keıin olardy soıyp, satýmen aınalysqany belgili boldy.
Ustalǵan azamattar ýaqytsha ustaý ızolátoryna qamaldy. Sondaı-aq olardyń budan basqa 4 mal urlaý deregine qatysy bary jáne urlanǵan 5 jylqyny soıyp satqany anyqtaldy.
Qazir atalǵan derekke qatysty sotqa deıingi tergeý amaldary júrgizilip jatyr.
Aıta ketsek, «Mal urysy» respýblıkalyq is-sharasy oblys aýmaǵynda 23 aqpanǵa deıin jalǵasady.