Abaı oblysynyń eks-ákimi endi premer-mınıstrdiń keńesshisi qyzmetin atqarady, dep habarlaıdy aqshamnews.kz
Nurlan Telmanuly Uranhaev — qazaqstandyq saıasatker, 2022-2025 jyldary Abaı oblysynyń alǵashqy ákimi qyzmetin atqarǵan.
Ol 1965 jyly 4 mamyrda Semeı qalasynda dúnıege kelgen. Bilimi – joǵary. Úsh birdeı joǵary oqý ornyn támamdaǵan: ınjener-mehanık, ekonomıs-menedjer, ınjener-qurylysshy mamandyqtaryn bitirgen.
Eńbek jolyn qarapaıym sheberden bastaǵan Uranhaev 2000 jyldary Shyǵys Qazaqstan oblysynyń túrli basqarmalarynda, keıin vıse-mınıstr, oblys ákiminiń orynbasary, ulttyq ekonomıka mınıstrligine qarasty ǵylymı ınstıtýt jetekshisi qyzmetterin atqardy. 2022 jyly prezıdent jarlyǵymen jańadan qurylǵan Abaı oblysynyń ákimi bolyp taǵaıyndaldy.
Uranhaev Abaı oblysyn basqarǵan tusta “Semeı ormany” rezervatynda órt shyǵyp, birneshe ormanshy qaza bolǵan edi. Tabıǵatqa sol tusta úlken zıan keltirilip, birneshe adam sottalǵan bolatyn.