Kólik mınıstrligi jazǵy maýsymda Alakólge deıin qosymsha vagondar men bılet quny qoljetimdi áýe reısterin iske qosady, – dep habarlaıdy aqshamnews.kz
Temirjol kóligi:
Bıyl jazda Alakól kýrorttyq aımaǵyna 13 temirjol baǵyty arqyly jetýge bolady. Onyń 4-eýi — jyl boıy qatynaıtyn baǵyt bolsa, taǵy 9-y — maýsymdyq qosymsha baǵyttar. Poıyzdar Astana, Almaty, Pavlodar, Qyzylorda, Semeı, Óskemen jáne Aqtoǵaı qalalarynan qatynaıdy.
Almaty – Alakól:
№ 207/208 «Almaty-2 – Jalańashkól» (aptasyna 2 ret);
№ 221/222 «Almaty-2 – Dostyq» (aptasyna 3 ret);
№ 211/212 «Almaty-2 – Dostyq» (maýsym–shildede jup kúnderi, tamyzda taq kúnderi);
№ 337/338 «Almaty-2 – Dostyq» (aptasyna 3 ret);
№ 21/6941/6942/22 «Almaty-1 – Dostyq» (jup kúnderi).
Astana – Alakól:
№ 54/53 «Nurly jol – Dostyq» (aptasyna 2 ret);
№ 254/253 «Nurly jol – Dostyq» (aptasyna 2 ret);
№ 122/6942/6941/121 «Nurly jol – Semeı» (jup kúnderi).
Basqa baǵyttar:
№ 31/6942/6941/32 «Pavlodar – Dostyq» (jup kúnderi);
№ 21/6942/6941/22 «Qyzylorda – Dostyq» (taq kúnderi);
№ 457/458 «Semeı – Dostyq» (taq kúnderi);
№ 459/460 «Óskemen – Dostyq» (taq kúnderi);
№ 6941/6942 «Aqtoǵaı – Dostyq» (kún saıyn).
Áýe qatynasy:
2025 jylǵy 1 maýsymnan bastap qazaqstandyq SCAT áýe kompanıasy Alakóldiń qasynda ornalasqan Úrjarǵa sýbsıdıalanatyn reısterdi oryndaı bastaıdy. Astana men Úrjar, sondaı-aq Almaty men Úrjar arasynda aptasyna 6 reıs oryndalady. Astana - Úrjar boıynsha bir baǵyttaǵy bılet quny – 16 myń teńge, al Almaty - Úrjar baǵyty boıynsha – 14 myń teńge.
Sondaı-aq, jaz mezgilinde Úsharal qalasyna sýbsıdıalanatyn áýe reısterin iske qosý máselesi pysyqtalýda.
Avtomobıl kóligi:
Jalpy uzyndyǵy 768 shaqyrym bolatyn «Taldyqorǵan – Óskemen» joly Alakólge deıin aparady. Bul jolǵa tolyqtaı jańa asfált tóseldi.
Jetisý oblysy jaǵynan Úsharal arqyly odan keıin 180 shaqyrymdyq «Úsharal – Dostyq» jolymen ótip, kóldiń ońtústik jaǵalaýyna jetýge bolady.
Abaı oblysy jaǵynan «Taskesken – Baqty» joly arqyly Maqanshy aýylyna (133 km), ári qaraı «Maqanshy – Jalańashkól» baǵytymen kóldiń soltústik jaǵalaýyna jetýge bolady.
Alakól kóline aparatyn barlyq respýblıkalyq mańyzy bar avtojoldarda jańa asfált beton jabyny tóselgen.