Almaty» aerodromynan barlyǵy 19 ushaq ushyp ketti
UQSHU quramyndaǵy Reseı bitimgerleri Almatydan Máskeý oblysyndaǵy «Chkalovskıı» áýejaıyna ushyp ketti, dep habarlaıdy Almaty-akshamy.kz Tengrinews.kz-ke silteme jasap.
«Qazaqstandaǵy UQSHU bitimgershilik kúshteri quramyndaǵy reseılik bólimsheler Reseı áskerı-kólik avıasıasy ushaqtaryna áskerı tehnıkany tıep, Almatydan ushyp shyqty», - delingen habarlamada.
Armenıa, Belarýs jáne Ózbekstannan kelgen bitimgerler 14 qańtarda eline oraldy. Barlyq bitimger bólimsheni turaqty ornalasý pýnktine qaıtarýdy 19 qańtarǵa deıin aıaqtaý josparlanǵan.
«Almaty» aerodromynan barlyǵy 19 ushaq ushyp ketti, olar Reseı Fedeasıasyna UQSHU kúshteri quramyndaǵy reseılik bitimgerlerdi jetkizedi, - dep habarlady Reseı Qorǵanys mınıstrligi.
«Qazirgi ýaqytta Reseı áskerı-kólik avıasıasynyń 19 ushaǵy (18 Il-76 ushaǵy jáne 1 An-124 "Rýslan" ushaǵy) Almaty aerodromynan ushyp shyqty», - delingen habarlamada.
Búginde ushaqtar áýe kúshteri bólimsheleriniń jeke quramy men jabdyqtaryn Máskeý oblysyndaǵy «Chkalovskıı» aerodromyna jetkizip jatyr.
Buǵan deıin 13 qańtarda Almatyda UQSHU bitimgerlerin shyǵarý bastalǵany habarlanǵan bolatyn. Buǵan deıin Ujymdyq qaýipsizdik týraly shart uıymynyń belorýs bitimgerleri mingen on ushaqǵy Qazaqstannan Mınsk oblysyna ushyp ketti.