Tesla burynǵy Model S elektrokaryn jańartty
Tesla burynnan keń taraǵan Model S avtokóliginiń jańa nusqasyn tanystyrdy. Bul jaıynda Electrek basylymy jazdy, dep habarlaıdy Almaty-akshamy.kz.
Lıftbektiń jańarǵan nusqasy alǵash Taıvanda tanystyryldy. Jýrnalıser atalǵan kompanıanyń jańa ónimi birinshi ret AQSH-tan tys jerde saýdalanyp jatqanyn jarysa jazýda. Model S nusqasyna birqatar jańashyldyq eńgizilgen. Máselen, elektrokardyń shamy matrısa tekti bolyp shyqqan, ondaı ózgeris Model 3 pen Model Y-diń sońǵy modıfıkasıasynda da bar.
Elektromobılge akýmýlátordy qýattaý úshin Combined Charging System (CCS) jańa porty qoıylǵan. Nómir belgisindegi jıekter alynyp tastalǵan, avtorlardyń pikirinshe bul kóliktiń syrtqy kelbetin tartymdy ete túsedi. Tesla jaqyn arada kóliktiń osy jańa nusqasyn óndiriske shyǵaryp, buǵan deıingi modelderdiń barlyǵyn aýystyrmaq.
Mamandardyń aıtýynsha, Tesla-nyń Model S jańa nusqasy esh ózgermesten AQSH naryǵyna shyǵarylady.
«Soltústik Amerıka nusqasynda jalǵyz ózgeris bolady, ıaǵnı akýmýlátordy qaýattaıtyn porttyń úlkeıtilýi iske asady»,-deıdi jýrnalıster.
Tesla Model S — bes esikten turatyn elektromobıl, ol óndiriske 2012 jyly shyqqan. Jýrnalıserdiń jazýynsha, lıftbektiń dızaıny alǵash shyqqan býynnan beri túbegeıli ózgeriske ushyramaǵan.
Aıta ketsek, ótken jyldyń jeltoqsan aıynda Tesla kompanıasy Cybertrack pıkapynyń jańa nusqasyn tanystyrǵan bolatyn.