Bul týraly Prezıdent Jarlyǵynyń tolyq mátini jarıalandy.
Prezıdent Qasym-Jomart Toqaevtyń «Qazaqstan Respýblıkasy Ulttyq qaýipsizdik komıtetiniń keıbir máseleleri týraly» Jarlyǵynyń mátini jarıalandy, dep habarlaıdy Almaty-akshamy.kz.
Qujat normatıvtik-quqyqtyq aktilerdiń aqparattyq-quqyqtyq júıesinde jarıalandy.
Qaıta uıymdastyrylatyn respýblıkalyq memlekettik mekemelerdiń tizbesine mynalar kirdi:
«Qazaqstan Respýblıkasy Ulttyq qaýipsizdik komıtetiniń Aqparatty tehnıkalyq qorǵaý ortalyǵy» respýblıkalyq memlekettik mekemesi men «Qazaqstan Respýblıkasy Ulttyq qaýipsizdik komıtetiniń Aqparattyq qaýipsizdik salasynda mamandar daıarlaý jáne olardyń biliktiligin arttyrý ortalyǵy» respýblıkalyq memlekettik mekemesin qosý arqyly «Qazaqstan Respýblıkasy Ulttyq qaýipsizdik komıtetiniń Aqparatty tehnıkalyq qorǵaý jáne memlekettik qupıalardy qorǵaý salasynda mamandar daıarlaý ortalyǵy» respýblıkalyq memlekettik mekemesi.
«Qazaqstan Respýblıkasy Ulttyq qaýipsizdik komıteti Shekara qyzmetiniń «Aqtaý» jabdyqtaý basqarmasy» respýblıkalyq memlekettik mekemesin bólip shyǵarý arqyly «Qazaqstan Respýblıkasy Ulttyq qaýipsizdik komıteti Shekara qyzmetiniń Mańǵystaý oblysy boıynsha departamenti» respýblıkalyq memlekettik mekemesi.
«Qazaqstan Respýblıkasy Ulttyq qaýipsizdik komıteti Shekara qyzmetiniń «Almaty» jabdyqtaý basqarmasy» respýblıkalyq memlekettik mekemesin bólip shyǵarý arqyly "Qazaqstan Respýblıkasy Ulttyq qaýipsizdik komıteti Shekara qyzmetiniń Almaty oblysy boıynsha departamenti» respýblıkalyq memlekettik mekemesi.
«Qazaqstan Respýblıkasy Ulttyq qaýipsizdik komıteti Shekara qyzmetiniń «Jańǵyztóbe» jabdyqtaý basqarmasy» respýblıkalyq memlekettik mekemesin bólip shyǵarý arqyly «Qazaqstan Respýblıkasy Ulttyq qaýipsizdik komıteti Shekara qyzmetiniń Shyǵys Qazaqstan oblysy boıynsha departamenti» respýblıkalyq memlekettik mekemesi.
«Qazaqstan Respýblıkasy Ulttyq qaýipsizdik komıteti Avıasıa qyzmetiniń Avıasıalyq basqarmasy» respýblıkalyq memlekettik mekemesin qosý arqyly «Qazaqstan Respýblıkasy Ulttyq qaýipsizdik komıtetiniń Avıasıa qyzmeti» respýblıkalyq memlekettik mekemesi.
Prezıdenttiń keıbir jarlyqtaryna engiziletin ózgerister men tolyqtyrýlardyń bir bóligi qyzmet babynda paıdalanylatyny úshin qupıa bolady.
Qujattyń tolyq nusqasy myna siltemeden oqýǵa bolady.
Eske salaıyq, 17 mamyrda Prezıdent «Qazaqstan Respýblıkasy Ulttyq qaýipsizdik komıtetiniń keıbir máseleleri týraly» № 893 Jarlyqqa qol qoıdy. Qujatta Ulttyq qaýipsizdik organdarynyń qyzmetin jetildirýdi kózdeıtin Prezıdenttiń 15 jarlyǵyna túzetýler engiziledi. UQK jańartylǵan qurylymy bekitildi. UQK-niń jekelegen memlekettik mekemeleri qaıta uıymdastyryldy jáne ońtaılandyryldy.