Qazaqstan men Qyrǵyzstan Prezıdentteri shaǵyn quramda kelissóz júrgizdi

Qazaqstan men Qyrǵyzstan Prezıdentteri shaǵyn quramda kelissóz júrgizdi Sýret: Akorda.kz.

Bul sapardyń máni erekshe.


Qazaqstan Prezıdenti Qasym-Jomart Toqaev baýyrlas Qyrǵyz Respýblıkasyna resmı saparmen kelýge shaqyrǵany úshin Sadyr Japarovqa rızashylyǵyn bildirdi, dep habarlaıdy Almaty-akshamy.kz Aqordanyń baspasóz qyzmetine silteme jasap. 



«Men Sizdiń shaqyrýyńyzdy zor rızashylyqpen qabyl aldym. Bul sapardyń máni erekshe. Osy mańyzdy sapar elderimizdiń arasyndaǵy yntymaqtastyqtyń odan ári damýyna zor serpin beretini sózsiz. Sonyń arqasynda strategıalyq seriktestigimiz de nyǵaıa túspek. Qyrǵyzstan – Qazaqstanǵa barlyq jaǵynan eń jaqyn el. Ony kúmánsiz aıtýǵa bolady. Bıyl eki eldiń dıplomatıalyq qatynas ornatqanyna 30 jyl tolyp otyr. Osy kezeńde yntymaqtastyq aıasy barynsha keńeıip, dostyǵymyz nyǵaıa tústi. Biz barlyq deńgeıde ózara senimge negizdelgen saıası dıalog ornattyq. Memleketaralyq, parlamentaralyq jáne úkimetaralyq keńesterimiz bar. Sondaı-aq, Syrtqy ister mınıstrlikteri yqpaldasa jumys atqarýda. Qazaqstan tek Qyrǵyz elimen osyndaı tyǵyz baılanys ornatqanyn erekshe atap ótkim keledi», – dedi Qasym-Jomart Toqaev. 



Sadyr Japarov óziniń shaqyrýyn qabyl alyp, Qyrǵyzstanǵa resmı saparmen kelgeni úshin Qasym-Jomart Toqaevqa alǵys aıtyp, Qazaqstan Prezıdentiniń bul sapary eki el arasyndaǵy yntymaqtastyqqa tyń serpin beretinin atap ótti. 



«Biz – yntymaqtastyǵy jarasqan baýyrlas eldermiz. Eki el arasynda, tipti óńirlerimizdiń deńgeıinde de eshqandaı túsinbestik bolǵan emes. Tolyqtaı dostyq rýhta birge damyp kelemiz», – dedi Qyrǵyzstan Prezıdenti. 



Memleketter basshylary budan keıin saıası, saýda-ekonomıkalyq jáne mádenı-gýmanıtarlyq salalardy keńeıtýge erekshe kóńil bóle otyryp, qazaq-qyrǵyz strategıalyq seriktestiginiń aýqymdy máselelerin talqylady. Sonymen qatar aımaqtyq kún tártibindegi problemalar qarastyryldy. 


Buǵan deıin habarlaǵanymyzdaı, Qasym-Jomart Toqaev resmı saparmen Qyrǵyzstanǵa bardy. 


Qyrǵyzstan Prezıdenti «Aq keme» mármár shatyrynda Qasym-Jomart Toqaevty resmı qarsy aldy.

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

21:12

17:52

17:31

17:14

16:11

15:46

15:27

15:21

15:10

15:04

14:41

14:32

12:39

12:36

12:28

11:55

11:43

11:02

10:42

10:38

10:29

10:21

10:16

10:05

09:46