Ulttyq qaýipsizdik komıteti vedomstvonyń burynǵy basshylary men basqa da laýazymdy tulǵalarǵa qatysty qylmystyq isti tergeýdi aıaqtady, dep habarlaıdy Almaty-akshamy.kz.
«UQK burynǵy basshylyǵy K.Q. Másimovke, A.T. Sadyqulovqa, D.E. Erǵojınge, M.S. Ósipovke jáne laýazymdy adamdar D.M. Akıpovke, N.K. Bekmuratqa, A.A. qatysty qylmystyq isti tergeýdi aıaqtady», - delingen habarlamada.
Vedomstvo málimetinshe:
Másimovtiń jáne Sadyqulovtyń áreketteri Qylmystyq kodekstiń 175-baby 1-bóligi («Memleketke opasyzdyq jasaý»), 179-baby 3-bóligi («Bılikti kúshpen basyp alý») jáne 362-baby 4-bóligi 3-tarmaǵy boıynsha («Bılikti nemese laýazymdyq ókilettikterdi asyra paıdalaný»);
Erǵojın QK-nyń 179-baby 3-bóligi («Bılikti kúshpen basyp alý») jáne 362-baby 4-bóligi 3-tarmaǵy boıynsha («Bılikti nemese laýazymdyq ókilettikterdi asyra paıdalaný»);
Ósipov QK-nyń 362-baby 3-bóligi boıynsha («Bılikti nemese laýazymdyq ókilettikterdi asyra paıdalaný»);
Akıpov jáne Bekmurat QK-nyń 362-baby 1-bóligi boıynsha («Bılikti nemese laýazymdyq ókilettikterdi asyra paıdalaný») saralanǵan.
Qazirgi ýaqytta kúdiktilerdi is materıaldarymen tanystyrý júrgizilip jatqany aıtyldy.
«İs materıaldarymen tanysý kezeńine qamaýda ustaý merzimi Másimov pen Sadyqulovqa 6 qazanǵa deıin, Erǵojınge 13 qazanǵa jáne Ósipovke 22 qazanǵa deıin uzartyldy», - delingen habarlamada.