Qazaqstan qor bırjasy 15:30-daǵy jaǵdaı boıynsha dollardyń ortasha baǵamy 2,76 teńgege kóterilip, 465,05 teńgeni qurady, dep habarlaıdy Almaty-akshamy.kz.
Qytaı ıýaniniń ortasha baǵamy kóterilip, 67,86 teńgeni (+0,51) qurady.
Eýro boıynsha saýda-sattyq júrgizilgen joq, al rúbl boıynsha áli aıaqtalǵan joq.
Ulttyq bank eýrony 459,62 teńgege, reseı rýblin 7,7 teńgege belgiledi.
Qazirgi ýaqytta aıyrbas pýnktterinde amerıkalyq dollardy 467-472 teńgeden, eýrony 469-475 teńgeden satyp alady/satady. Rúbl - 7,2-7,7 teńge.
Sondaı-aq 25 tamyzdaǵy saýda-sattyq barysynda munaıdyń álemdik baǵasy da birshama ósti.
Máselen, Londondaǵy ICE Futures bırjasynda Brent markaly munaıdyń qazan aıyndaǵy fúchersteriniń quny barreline $101,84 qurady, bul aldyńǵy baǵadan 0,61%-ǵa joǵary.
NYMEX Nú-Iork taýar bırjasynyń elektrondyq saýda-sattyǵynda qazan aıyndaǵy WTI munaıynyń fúchersteriniń baǵasy 0,51%-ǵa qymbattap, bir barreli $95,37 boldy.