Energetıka mınıstri Bolat Aqsholaqov aldaǵy eki jylda iri ken oryndaryn keńeıtý esebinen jáne jańa shaǵyn ken oryndaryn paıdalanýǵa berý arqyly elde munaı óndirisi ulǵaıatynyn málim etti, dep habarlaıdy Almaty-akshamy.kz
«Biz KQK búgingi tańda qazaqstandyq munaıdy tıep-jóneltýdiń, eksporttyń ekonomıkalyq turǵydan rentabeldi baǵyty ekenin árdaıym aıtamyz, tıisinshe, mundaǵy negizgi mindet - qazaqstandyq munaı eksportyn ótkizýdiń turaqty arnasyna ıe bolý úshin osy baǵyttyń úzdiksiz jumysyn saqtaý. Balama týraly sóz qozǵaǵanda, bul jerde mynadaı máselege den qoıý qajet: biz taıaýdaǵy eki jylda ózimizdiń iri ken oryndarymyzdy keńeıtý, jańalaryn izdeý, jańa shaǵyn ken oryndaryn paıdalanýǵa berý esebinen munaı óndirýdi ulǵaıtýdy kózdep otyrmyz», - dedi mınıstr.
Onyń sózine súıensek, vedomstvo aldaǵy eki jylda munaı óndirisin 85,7 mln tonnadan 103-107 mln tonnaǵa deıin ulǵaıtýdy josparlap otyr.
«Tıisinshe, bul búginde eksportqa tıep jatqan kólemder. Árıne, mundaı jaǵdaıda biz osy kólemniń qalaı jetkiziletini týraly oılanýymyz kerek. Osy turǵydan alǵanda, biz basqa balama baǵyttardy da mindetti túrde qarastyramyz», - dep qosty vedomstvo basshysy.
Mınıstr artylǵan munaıdy Qytaı nemese Kaspıı teńizi arqyly tasymaldaý múmkindigi qarastyrylyp jatqanyn sóz etti.