Qazaqstan Respýblıkasy Ulttyq qaýipsizdik komıteti ekstrımızmge qatysy bar kúdiktilerdi ustady. Tergeý isi bastaldy, dep habarlaıdy almaty-akshamy.kz.
Aqparatqa sáıkes, kúdikti dep tanylǵan tórt qazaqstandyqty UQK İİM-men ózara árekettese, prokýratýra organdarynyń úılestirýimen Almaty qalasynda, Almaty jáne Jambyl oblystarynda ustaǵan.
"Olar respýblıka aýmaǵynda tyıym salynǵan dinı-ekstremıstik uıymnyń áreketine qatysty jáne uıymdastyrdy dep kúdikteledi", dep jazdy Qazaqstan Respýblıkasy Ulttyq qaýipsizdik komıteti
Turǵylyqty jerleri boıynsha tintýler barysynda kóptegen dinı ádebıetter men basqa da zattaı dáleldemeler tabylǵan.
Qylmystyq kodekstiń 405-baby boıynsha sotqa deıingi tergeý júrgizilýde.
"Atap ótetin jaıt, ustalǵan adamdardyń ekeýi buǵan deıin osyndaı qylmys jasaǵany úshin sotty bolǵan.",- delingen Qazaqstan Respýblıkasy Ulttyq qaýipsizdik komıteti habarlamasynda
Sotpen ustalǵandarǵa qatysty bultartpaý sharasyn qoldaný suraǵy sheshilýde.
Qylmystyq-prosestik kodekstiń 201-baby 1-bóligine sáıkes ózge aqparat jarıa etýge jatpaıdy.