2025 jylǵy sáýir aıynda Ulttyq qaýipsizdik komıteti prokýratýra organdarymen birlesip, Astana qalasy men Abaı, Aqtóbe jáne Túrkistan oblystarynda dinı radıkaldardyń zańǵa qaıshy áreketteriniń jolyn kesti.
Terorızmdi nasıhattady jáne dinı alaýyzdyqty qozdyrdy degen kúdikpen tórt Qazaqstan azamaty ustaldy. Ustalǵandardyń biri buryn sotty bolǵan. Olar áleýmettik jeliler arqyly zańsyz áreketter júrgizgen, dep habarlaıdy aqshamnews.kz.
Turǵylyqty jerlerin tintý barysynda zattaı dáleldemeler tárkilendi.
Atalǵan faktiler boıynsha Qylmystyq kodekstiń 174-baby (áleýmettik, ulttyq, rýlyq, násildik, taptyq nemese dinı alaýyzdyqty qozdyrý) jáne 256-baby (terorızmdi nasıhattaý nemese terorızm aktisin jasaýǵa jarıa túrde shaqyrý) boıynsha sotqa deıingi tergep-tekserý amaldary júrgizilýde.
Qylmystyq-prosestik kodekstiń 201-baby 1-bóligine sáıkes, tergeý múddesine baılanysty ózge aqparat jarıa etýge jatpaıdy.
Sonymen qatar, buryn tergelgen ister boıynsha sot Aqtóbe, Qaraǵandy jáne Túrkistan oblystarynyń úsh turǵynyna qatysty aıyptaý úkimin shyǵardy. Olar áleýmettik jelilerde jáne óz ortasynda terorızm men dinı ekstremızm ıdeologıasyn taratqany úshin jaýapqa tartyldy.