Atyraý oblysy Din isteri basqarmasynyń qoldaýymen jáne “Járdem-Atyraý” korporatıvtik qorynyń uıymdastyrýymen Z.Qabdolov atyndaǵy №40 orta mektepte “Dinı ekstremızm men terorızmniń aldyn alý” atty aqparattyq-túsindirý kezdesýi ótkizildi. Qatysqandar sany - 80.
İs-sharanyń maqsaty – jastar arasynda dinı saýattylyqty arttyrý, qoǵamda radıkaldy ıdeologıalardyń taralýynyń aldyn alý jáne memlekettik-konfessıalyq saıasatty túsindirý.
Kezdesýge Atyraý oblysy Din isteri basqarmasynyń basshysy Qaharman Mýsaev, QR Mádenıet jáne aqparat mınıstrliginiń Din isteri komıteti tóraǵasynyń orynbasary Ádilbek Seıfýllın, sondaı-aq komıtettiń bas sarapshysy Meıirman Kelesov qatysty. Sonymen qatar, aqparattyq-túsindirý tobynyń músheleri – “Járdem-Atyraý” KQ dırektorynyń orynbasary Meıirbek Qubyshev, “Shapaǵat” QQ teolog mamany Jasulan Baǵytjanov, “Aqparattyq-taldaý ortalyǵy” KMM-niń mamany Isataı Ǵızatov jáne Atyraý oblysy Polısıa departamentiniń Ekstremızmge qarsy is-qımyl basqarmasynyń jedel ýákili Oljas Sdyhov qatysty.
Kezdesý barysynda mamandar destrýktıvti dinı aǵymdardyń belgileri, ınternettegi jalǵan dinı nasıhattan saqtaný joldary jáne zaıyrly qoǵamnyń qundylyqtary týraly jan-jaqty maǵlumat berdi. Oqýshylar men muǵalimder kókeıde júrgen suraqtaryn qoıyp, mamandar tarapynan naqty ári túsinikti jaýaptar aldy.
Atyraý oblysy Din isteri basqarmasynyń basshysy Qaharman Mýsaev óz sózinde dinı saýattylyqtyń mańyzdylyǵyna erekshe toqtalyp, jastardyń adasýshylyqtan saqtanýynda mundaı kezdesýlerdiń róli zor ekenin atap ótti.