2023 jylǵy 5 qazanda Ulttyq qaýipsizdik komıteti polısıa organdarymen birlese jáne Bas prokýratýranyń úılestirýimen bir mezgilde Jetisý, Jambyl jáne Túrkistan oblystarynda arnaıy operasıa júrgizdi, dep habarlaıdy almaty-akshamy.kzQR Ulttyq qaýipsizdik komıtetiniń baspasóz qyzmetine silteme jasap.
Baspasóz qyzmetiniń málimetterine qaraǵanda, operasıa barysynda qarý men esirtkini zańsyz saqtaýǵa, bopsalaýǵa, zańsyz kóshi-qon arnalaryn uıymdastyrýǵa jáne ózge de aýyr qylmystar jasaýǵa kúdikti toptardyń 72 múshesi tergeý amaldaryn júrgizý úshin jetkizildi.
Toptar óz áreketterin Qytaımen («Qorǵas» HSHYO), Ózbekstanmen («Jibek joly» ótkizý pýnkti) jáne Qyrǵyzstanmen («Qordaı avtomobıldik» ótkizý pýnkti) shekaralas ýchaskelerde júzege asyrǵan.
Tintý barysynda atys qarýy oq-dárilerimen, iri aqsha qarajattary, esirtki, sondaı-aq ózge de zattaı dáleldemeler tárkilendi.
Tergeý is-sharalary júrgizilýde.
«Qylmystyq-prosestik kodekstiń 201-babynyń 1-bóligine sáıkes ózge aqparattar jarıa etýge jatpaıdy»,-delingen UQK baspasóz qyzmeti taratqan aqparatta.