Bul qashyqtyqta ıtalándyq Rıkkardo Lorello chempıon atandy
2023 jylǵy Qysqy Ýnıversıadanyń 5000 metr qashyqtyqqa kónkımen júgirý saıysyna eki qazaqstandyq sportshy qatysty, dep habarlaıdy Almaty-akshamy.kz QazAqparatqa silteme jasap.
Atalǵan saıysta elimizdiń atynan Baqdáýlet Saǵatov pen Andreı Zýev el namysyn qorǵady.
Nátıjesinde B.Saǵatov 5-shi, A.Zýev 16-shy oryn aldy.
Bul qashyqtyqta ıtalándyq Rıkkardo Lorello chempıon atansa, odan keıingi oryndardy taǵy bir ıtalándyq Danıele Dı Stefano men japonıalyq Motonaga Arıto ózara bólisti.
Eske salsaq, Qazaqstan quramasy medaldar kestesinde onynshy orynda tur.
Ázirge el quramasy qorjynynda jalǵyz altyn medal bar.
14 qańtarda qazaqstandyq bıatlonshy Vadım Kýrales 15 shaqyrym qashyqtyqta jekeleı synda máre syzyǵyn birinshi bolyp qıǵan edi.