Sheteldik mamandar ortalyqqa 2023 jyldyń qyrkúıegine josparlanǵan «BUU áskerı baqylaýshylary» kýrsyn ázirleýge járdemdesý úshin keldi, dep habarlaıdy Almaty-akshamy.kz.
Delegasıa quramynda Úndistan Qarýly kúshteriniń bitimgerlik daıarlyq salasyndaǵy sarapshylar – brıgada generaly Paramvır Sıngh Dagar, podpolkovnık Vınııt Kýmar jáne maıor Dııp Sıngh Ratode bar.
Delegasıa músheleri Úndi tarapynyń qoldaýymen jóndelip, jaraqtandyrylǵan úndi-qazaq bitimgerlik synybyna baryp, qarqyndy tildik daıarlyq kabınetteriniń jabdyqtarymen jáne N. Tilendıev aýylyndaǵy «Bitimger» oqý-jattyǵý ortalyǵynyń ınfraqurylymymen tanysty.
– Bitimgerlik daıyndyq salasyndaǵy yntymaqtastyq pen tájirıbe almasý halyqaralyq kýrstardy ótkizý sapasyn jaqsartýǵa, oqytýdyń zamanaýı ádisterin engizýge yqpal etedi, – dep Bitimgerlik operasıalar ortalyǵynyń bastyǵy polkovnık Baýyrjan Nyǵmetýllın seriktestiktiń jaqsy jaǵyn atap ótti.
Óz kezeginde brıgada generaly Paramvır Sıngh Dagar Qazaqstan tarapyna jumys saparyn uıymdastyrǵany úshin alǵysyn bildirip, bitimgerlerdi daıarlaý salasyndaǵy ózara is-qımyldy odan ári nyǵaıtýǵa daıyn ekenin bildirdi.
Atalǵan kýrs baǵdarlamasyna dárister, oqý jattyǵýlary, sondaı-aq BUU-nyń beıbitshilikti saqtaý jónindegi qoldanystaǵy operasıalarynyń jaǵdaılaryna barynsha jaqyn senarıler men jaǵdaılardy pysyqtaýmen praktıkalyq sabaqtar kiredi.
Osyndaı kýrsty ótkizý jáne ony BUU-da odan ári sertıfıkattaý Qazaqstannyń Qarýly kúshterine BUU talaptary men standarttaryn saqtaı otyryp, áskerı baıqaýshylardy derbes daıarlaýǵa múmkindik beredi.