2030 jylǵa deıin taǵy 20 myń orynǵa jataqhana salý josparlanýda
2023 jyldyń 3 naýryzynda Almaty qalasynyń Jastar Loft-ortalyǵynda stýdenttik jataqhanalar qurylysynyń jobalyq ofısiniń ashylýy ótti, oǵan Qazaqstan Respýblıkasynyń Ǵylym jáne joǵary bilim mınıstri Saıasat Nurbek pen Almaty qalasy ákiminiń orynbasary Arman Qyryqbaev qatysty, dep habarlaıdy Almaty-akshamy.kz.
Jobalyq ofıs jergilikti atqarýshy organdarǵa, joǵary oqý oryndary men ınvestorlarǵa stýdentterdi jataqhanamen qamtamasyz etý jónindegi máselelerdi jedel jáne júıeli sheshý úshin alań usynady.
Jobalyq ofıstiń negizgi fýnksıalary:
- jataqhanalardaǵy stýdenttik oryndardyń tapshylyǵyn sheshý boıynsha joǵary oqý oryndarymen jáne ınvestorlarmen ózara árekettesý;
- qurylysqa járdem kórsetý máseleleri boıynsha Almaty qalasynyń jer qatynastary, qalalyq josparlaý jáne ýrbanıstıka, qala qurylysyn baqylaý basqarmalarymen ózara árekettesý;
- joǵary oqý oryndary men áleýetti ınvestorlar úshin zańgerlik, konsýltasıalyq, saraptamalyq jáne basqa da qyzmetter kórsetý.
Búgingi tańda Almaty qalasyndaǵy stýdenttik jataqhanalardaǵy jalpy tósek-oryn tapshylyǵy – 32 myńdy quraıdy.
Almaty qalasyn damytýdyń 2025 jylǵa deıingi baǵdarlamasy sheńberinde 12 myń tósek-orynǵa, al 2030 jylǵa deıin taǵy 20 myń orynǵa jataqhana salý josparlanýda.
Stýdentterdi jataqhanalardaǵy oryndarmen qamtamasyz etý boıynsha birlesken jumysty odan ári jaqsartý úshin ǵylym jáne joǵary bilim mınıstrligi men Almaty qalasynyń ákimdigi arasynda yntymaqtastyq týraly Memorandýmǵa qol qoıyldy.
Jobalyq ofıs Almaty qalasy, Baıtursynov kóshesi, 22 mekenjaıynda ornalasqan. Barlyq suraqtar boıynsha Almaty qalasy Jastar saıasaty basqarmasyna habarlasýǵa bolady – Danıa Abdýllına (8 701 491 54 94).