Eldiń 32 aımaǵynda aýrýhanaǵa jatqyzylǵandar sany ósti
Úndistan bıligi betperdesiz jolaýshylardy avıareısterden shyǵarýdy buıyrdy. Bul týraly Azamattyq avıasıa Bas basqarmasy jarıalaǵan qujatta aıtylǵan, dep habarlaıdy Almaty-akshamy.kz.
COVID-19 taralýyna jol bermeý jónindegi vedomstvoaralyq kosmıssıasynyń málimetterine qaraǵanda, eger jolaýshy ushý kezinde birneshe ret betperde kıýden bas tartý sıaqty COVID-19 kezindegi tártip (minez-qulyq) hattamalaryn qaıta-qaıta buzsa, olar «tártipsiz jolaýshy» retinde qarastyrylady. Azamattyq avıasıa organy mundaı jolaýshylarǵa belgili bir ýaqyt aralyǵynda ushýǵa tyıym salý quqyǵyn beredi.
COVID-19-ben kúres jónindegi jedel shtaby Reseıdegi koronavırýs boıynsha málimetterdi usyndy. Sońǵy táýlikte elde 1470 naýqas emhanaǵa jatqyzyldy.
Eldiń 32 aımaǵynda aýrýhanaǵa jatqyzylǵandar sany ósti, jeteýi ózgerissiz qaldy jáne Reseı Federasıasynyń 46 sýbektisinde tómendedi.
Aýrýhanaǵa jatqyzylǵandardyń jalpy sany 9,2%-ǵa azaıdy. 4 297 naýqas indetten jazylyp shyqty, bul 2022 jylǵy 8 maýsymdaǵy kórsetkishten 9,3%-ǵa tómen. Aýrýdyń 3 774 jańa jaǵdaıy tirkeldi, bir táýlikte koronavırýspen 77 naýqas qaıtys boldy.