Negizgi kapıtaldyń jetkiliktilik koefısıenti – 18,1%
2022 jylǵy qańtar-sáýir aılarynda bankterdiń taza paıdasy 375 mlrd teńgeni qurady. Bul týraly Almaty-akshamy.kz Qarjy naryǵyn retteý jáne damytý agenttigine silteme jasap habarlaıdy.
«2022 jylǵy 1 mamyrdaǵy jaǵdaı boıynsha bank sektorynyń jetkilikti kapıtal qory bar. Negizgi kapıtaldyń jetkiliktilik koefısıenti (k1) – 18,1%, menshikti kapıtaldyń jetkiliktilik koefısıenti (k2) – 21,8%, bul júıe boıynsha ortasha alǵanda zańnamada belgilengen normatıvterden aıtarlyqtaı asyp túsedi.
Sonymen qatar qańtar-sáýir aılarynda bankterdiń taza paıdasy 375 mlrd teńgeni quraǵan. Bul 2021 jyldyń sáıkes kezeńimen salystyrǵanda 6,5%-ǵa tómen. Bank aktıvteriniń rentabeldiligi (ROA) 2022 jylǵy 1 mamyrda 3,5%-dy (2021 jylǵy 1 mamyrda – 2,9%), kapıtaldyń rentabeldiligi (ROE) – 28,7%-dy (2021 jylǵy 1 mamyrda – 22,4%) qurady», - delingen agenttik habarlamasynda.