Úndistannyń soltústiginde tópelep jaýǵan nóser elge aýyr soqqy bolyp tıdi, dep habarlaıdy Almaty-akshamy.kz.
Djaıpýr qalasynda aýrýhanalardy jáne bilim ordalaryn sý basyp qaldy. Naýqastar bólmelerinde tizeden keletin sý keship júrýge májbúr. Barlyq medısınalyq apparat jaramsyz bolyp qalǵan, -dep jazady «Habar 24». Qazir óńirde qalypqa keltirý jumystary júrip jatyr. Biraq mamandar shyǵyn shash etekten dep dabyl qaqty. Qazir jergilikti bılik shyǵyn kólemin eseptep jatyr. Úndistanda qatty jaýyn-shashyn osy demalysta bastalǵan edi. Saldarynan soltústik aımaqtarda sý tasqyny men laı kóshkini júrip, kóz jumǵandardyń sany 22-ge jetti.