QR IIDM basshysy «Aqyly negizde «Úlken Almaty aınalma avtomobıl joly» (ÚAAAJ) respýblıkalyq mańyzy bar jalpyǵa ortaq paıdalanylatyn avtomobıl jolynyń ýchaskesin paıdalaný týraly» 2023 jylǵy 4 shildedegi buıryqqa qol qoıdy, dep habarlaıdy Almaty-akshamy.kz.
Atap aıtqanda, qujatta «Úlken Almaty aınalma avtomobıl joly» ýchaskesi aqyly negizde paıdalanylatyny bekitildi.
Almaty qalasy men Almaty oblysy arqyly balamaly joldar boıynsha júrip ótýge bolady,-dep jazdy Zakon.kz.
Aqyly joldyń bastapqy pýnkti – Almaty – Uzynaǵash avtomobıl jolynyń 22+640 km, aqyly joldyń sońǵy pýnkti – Almaty – Talǵar avtomobıl jolynyń 22+000 km.
Bir saǵat ishinde júrip ótken jolǵa qaramastan sapar quny:
- jeńil avtomobılder – 0,07 AEK (241,5 teńge);
- 16 jolaýshy ornyna deıingi avtobýstar jáne júk kótergishtigi 2,5 tonnaǵa deıingi júk avtomobılderi – 0,08 AEK (276 teńge);
- 32 jolaýshy ornyna deıingi avtobýstar jáne júk kótergishtigi 5,5 tonnaǵa deıingi júk avtomobılderi – 0,14 AEK (483 teńge);
- 32 jolaýshy ornynan avtobýstar jáne júk kótergishtigi 10 tonnaǵa deıingi júk avtomobılderi – 0,16 AEK (552 teńge);
- júk kótergishtigi 10 tonnadan joǵary 15 tonnaǵa deıingi júk avtomobılderi – 0,2 AEK (690 teńge);
- júk kótergishtigi 15 tonnadan bastalatyn júk avtomobılderi, onyń ishinde tirkemeleri bar ershikti tartqyshtar – 0,22 AEK (759 teńge).
Sondaı-aq qujatta kórsetilgen sanattaǵy kólikter úshin 1 aı jáne 1 jylǵa abonement satyp alý qarastyrylǵan.
Abonement quny:
- jeńil avtomobılder: bir aıǵa – 0,5 AEK (1725 teńge), bir jylǵa – 5 AEK (17 250 teńge);
- 16 oryndyq avtobýstar men júk kótergishtigi 2,5 tonnaǵa deıingi júk kólikteri: bir aıǵa – 0,6 AEK (2070 teńge), bir jylǵa – 6 AEK (20 700 teńge);
- 32 oryndyq avtobýstar men júk kótergishtigi 5,5 tonnaǵa deıingi júk kólikteri: bir aıǵa – 1 AEK (3450 teńge), bir jylǵa – 10 AEK (34 500 teńge)
- 32 orynnan asatyn avtobýstar jáne júk kótergishtigi 10 tonnaǵa deıingi júk avtomobılderi avtopoezdar: bir aıǵa – 1,5 AEK (5175 teńge), bir jylǵa – 15 AEK (51 750 teńge)
- júk kótergishtigi 10 tonnadan joǵary 15 tonnaǵa deıingi júk avtomobılderi: bir aıǵa – 2 AEK (6900 teńge), bir jylǵa – 20 AEK (69 000 teńge)
- júk kótergishtigi 15 tonnadan asatyn júk avtomobılderi, onyń ishinde tirkemeleri bar ershikti tartqyshtar: bir aıǵa – 2,5 AEK (8625 teńge), bir jylǵa – 25 AEK (86 250 teńge).
Buıryq 2023 jylǵy 21 shildede kúshine enedi.