Jetisý oblysynyń polıseıleri mal urlyǵyna qatysy bar eki kúdiktini «izin sýytpaı» ustady, – dep habarlaıdy Almaty-akshamy.kz. Polisia.kz.
Kúdiktilerdi ustaýdy Aqsý aýdanynyń polıseıleri júrgizdi. Olarǵa bir kún buryn buqany urlaý faktisi boıynsha aryz kelip túsken.
Polisia.kz málimetine súıensek, jedel-izdestirý is-sharalary barysynda polıseıler jergilikti turǵyndar bolyp shyqqan eki kúdiktini anyqtaı aldy. Urlanǵan mal tabylyp, zańdy ıesine qaıtaryldy. Tekserý kezinde ustalǵandardyń aımaqtaǵy taǵy birneshe mal urlyǵyna qatysy bar ekeni anyqtaldy.
– Kúdiktiler «izin sýytpaı»ustaldy. Qazir olardyń bizdiń aýdanda bolǵan mal urlyǵynyń 4 faktisine qatysy bar ekeni anyqtaldy. Tekserý jumystary áli de jalǵasýda. Buryn urlanǵan maldy olar soıyp, satyp jibergeni anyqtaldy. Ekeýine de qamaýda ustaý bultartpaý sharasy tańdaldy, – dedi Aqsý aýdandyq polısıasynyń bastyǵy Ernar Shırbaev.