Úndistannyń soltústik-shyǵysynda tópelep jaýǵan nóser sońy tasqynǵa ulasty.
Mamandar qatty jaýyn-shashyn Pagladıa ózeniniń arnasynan shyǵyp ketýine ákep soqty deıdi.
«Habar 24» arnasy taratqan aqparatqa saı, Assam shtatynyń turǵyndary úılerin tastap ketýge májbúr. Sońǵy derekterge qarasaq, apat saldarynan 45 myń turǵyn zardap shekken. Halyq belden keletin sý keship júr. Jergilikti bılik turǵyndardy qaýipsiz jerge kóshirýge qamdandy. Qazir elde qaýip kórsetkishi eń joǵary deńgeıge kóterilip otyr. Ázirge jaralanǵandar týraly aqparat túsken joq. Bılik ókilderi endi tasqyn sońy laı kóshkinine ulasýy múmkin dep halyqqa eskertý jasady.