Prezıdent basqa óńirge aýysqan memlekettik qyzmetshilerge baspana jaldaýmen baılanysty rotasıalyq tólemdi qoldanysqa engizetin Jarlyqqa qol qoıdy.
Bul qujat – «Memlekettik qyzmet ótkerýdiń keıbir máseleleri» týraly QR Prezıdentiniń 2015 jylǵy 29 jeltoqsandaǵy №152 Jarlyǵyna ózgeris engizýdi kózdeıdi.
Qujatty Parlament qaraýyna Memlekettik qyzmet isteri agenttigi ázirlep usynǵan, dep habarlaıdy Almaty-akshamy.kz.
«Elimizde memlekettik qyzmetshilerdiń rotasıasy engizilgen. Onyń maqsaty – óńirler arasynda tájirıbe almasý, qyzmetshiniń tájirıbesin jan-jaqty jetildirý, sybaılas jemqorlyqqa toqsqaýyl qoıý. Qoldanystaǵy zańnamaǵa sáıkes, ózge óńirge rotasıalanatyn qyzmetshige ýaqytsha turǵyn úı berilýi tıis. Alaıda qyzmettik páterler jetispegennen keıin, rotasıalanǵan qyzmetshiler óz qarajatyna páter jaldaýǵa májbúr. Bul kóptegen qyzmetshilerdiń rotasıadan bas tartýyna alyp keledi. Rotasıalyq tólemdi engizý osy máseleni sheshýshe baǵyttalyp otyr», - degen bolatyn agenttik tóraǵasy Darhan Jazyqbaev.
Buǵan deıin respýblıkalyq búdjettik komısıa atalǵan tólemdi engizý úshin 2023-2025 jyldarǵa qajet qarajatty bólý usynysyn maquldaǵan bolatyn.