Tańdaý jasaýǵa elimizde tanymal azamattar da kelip jatyr. Tańerteńmen Qazaqstan Jazýshylar Odaǵynyń múshesi, satırık-jazýshy Qanaǵat Ábilqaıyrǵa habarlasyp, saılaý jaıynda oıyn bilgen edik.
«Biz jańarǵan Qazaqstan elinde jańasha ómir súrip jatyrmyz. Qazaqstannyń jańarýy bul osynda turatyn barlyq halyqtyń, barsha ulttar men ulystardyń, árbir azamattyń saıası belsendiligine tikeleı baılanysty.
Mysaly, saılaýǵa «barsaq ta, barmasaq ta, eriktimiz» degen eskishe kózqarasty ózgerte otyryp, árbirimiz: «Joq, men Qazaqstan Respýblıkasynyń tól azamatymyn. Sondyqtan da qandaı da bir saılaýǵa bolmasyn tolyq qatysyp, elimniń jańara, jasara túsýine óz úlesimdi qosýym kerek»,-desek, qoǵamnyń jańara bastaǵanynyń belgisi.
Iá, Qazaqstandy basqa emes, ózińiz jańartatynyńyzdy, ádiletti qoǵamdy ózińiz ornatatynyńyzdy esten shyǵarmańyz. Siz ben bizdiń tańdaýymyz Ádiletti Qazaqstan emes pe edi?!» - dedi ol.