Saılaýǵa halyq óte belsendi qatysýda. Tańerteńnen ózderiniń saılaý ýchaskesine kelip, óz tańdaýlaryn jasaýda. Biz sondaı tańdaýshynyń biri - qala turǵynyń pikirin bilip edik.
-Bul saılaý burynǵydan ózgeshe ótýde. Sol úshin ýchaskege erte kelip, daýys berdim. Sebebi halyq tańdaý jasap, bolashaǵymyzdy jasaýymyz kerek. Muny naýqandyq bastama retinde ǵana qaraýǵa bolmaıdy, úlken jaýapkershilik, myńdaǵan halyqtyń senimine selkeý túspeýi kerek. Ár partıa ózderi usynǵan úmitkerdiń partıanyń ǵana emes, eldiń amanatyn arqalaıtyndyǵyn jiti nazarda ustaýyn eskerýi kerek. Saılanǵan depýtattar qabilet-qarymynyń jetkeninshe jumys jasap, elmen birge qyzmet qylǵany durys. Ózin-ózi usynǵan úmitker de úlken qadamǵa aıaq basqandyǵyn, el basqarý asa yqtıattylyqty talap etetinin sezine bilý mańyzdy. Bárimiz de óz tańdaýymyzdy jasap, eldiń kósegesin kógertemin degen úmitkerge daýys berip baramyz,- dedi Ǵaını Iskakova.