Búgin elimiz boıynsha Májilis pen máslıhattar saılaýy ótip jatyr
Almaty-akshamy.kz daýys berýshige saılaýǵa barǵanda ne qajet, neni bilýi tıis degen suraqtarǵa jaýap izdep kórdi.
Qandaı qujattar kerek?
Ár saılaýshy jeke daýys beretinin bilýi kerek. Saılaý búlletenin alý úshin jeke kýálik bolýy kerek. Daýys berý turǵylyqty jeri boıynsha ákimdikter quratyn saılaýshylar tizimi boıynsha júrgiziledi. Oǵan belsendi saılaý quqyǵy bar Qazaqstan azamattary kiredi: 18 jasqa tolǵan, áreketke qabiletti jáne sot úkimi boıynsha bas bostandyǵynan aıyrý oryndarynda otyrmaǵandar.
Daýys berý qalaı ótedi?
Saılaý búlleteni saılaýshyǵa jeke basyn kýálandyratyn qujatty kórsetken kezde saılaýshylar tizimi negizinde beriledi. Kelesi kezekte saılaýshy búletendi alǵannan keıin tizimge qol qoıady. Saılaýshylar búletenderdi jasyryn daýys berý kabınasyna kirip, toltyrady.
Daýys berý búlleteninde saılaýshy kandıdattyń teginiń nemese ózi daýys beretin saıası partıanyń ataýynyń oń jaǵyna ne "Barlyǵyna qarsy" jolynyń oń jaǵyndaǵy uıashyqqa kez kelgen belgini qoıady. Saılaýshy toltyrylǵan búletendi saılaý jáshigine salady.
Daýys beretin ýchaskeni qalaı anyqtaýǵa bolady?
Almatyda Telegram-da almaty_sailau2023_bot bar, sondaı-aq 1315 nómiri boıynsha biryńǵaı baılanys ortalyǵy jumys isteıdi.
Májilis depýtattyǵyna qandaı partıalar usynylǵan?
Májilis saılaýyna jeti saıası partıa jiberildi, olardan 283 kandıdat qatysyp jatyr. Daýys berýge arnalǵan búletenge partıa ataýlary jerebede anyqtalǵan tártippen engiziledi.
Saılaý kúni ne isteýge tyıym salynady?
Saılaýdyń mindetti talaptarynyń biri - daýys berý rásimi. Daýys berý rásimi jabyq kabınada ótedi, onda saılaýshydan basqa eshkim bolmaýy kerek. Qaraýǵa da tyıym salynady. Saılaý ýchaskelerinde tek akkredıttelgen jýrnalıser ǵana foto jáne vıdeo túsire alady.