Búgin «Úmit» stýdenttik teatrlardyń İİ respýblıkalyq festıvaliniń jeńimpazdaryn marapattaý rásimi ótti. 29 qarasha-1 jeltoqsan aralyǵynda ótken baıqaýǵa Qazaqstannyń túkpir-túkpirinen 11 teatr ujymy qatysty, dep habarlaıdy Almaty-akshamy.kz.
Onyń maqsaty – jastar shyǵarmashylyǵyn qoldaý, stýdenttik teatrlardy nasıhattaý, ýnıversıtetter arasyndaǵy yntymaqtastyqty nyǵaıtý.
Festıvál qorytyndysy boıynsha, birinshi oryndy Mahambet Ótemisuly atyndaǵy Batys Qazaqstan ýnıversıtetiniń «Murager» stýdenttik teatry ıelendi. Ekinshi oryn M.S.Nárikbaev atyndaǵy Qazaq gýmanıtarlyq zań ýnıversıtetiniń «SINTEZ» teatryna buıyrdy. Úshinshi oryndy Turan ýnıversıtetiniń «TeART Turan» shyǵarmashylyq toby jeńip aldy.
Birinshi oryn úshin jeńimpazdar 300 000 teńge, ekinshi oryn úshin 200 000 teńge, úshinshi oryn úshin 100 000 teńge kóleminde aqshalaı sertıfıkat aldy.