Keshendi taktıkalyq-saptyq sabaqtar uıymdastyrylady
1 jeltoqsannan bastap bir apta ishinde Qarýly Kúshterdiń áskerı basqarý organdaryn, quramalary men áskerı bólimderin jaýyngerlik ázirlikke keltirý kezinde jeke quramnyń is-qımyl daǵdylaryn jetildirýge baǵyttalǵan keshendi taktıkalyq-saptyq sabaqtar uıymdastyrylady, dep habarlaıdy Almaty-akshamy.kz.
Sabaq barysynda jaýyngerlik eseptoptar men kezekshi qyzmetterdiń is-qımyl tártibin naqtylaý júrgiziledi. Shtabtar men áskerı bólimderdiń, basqa da áskerler men áskerı quralymdardyń aýmaqtyq bólimshelerimen, ortalyq jáne jergilikti atqarýshy organdarmen ózara is-qımyly pysyqtalady.
Jumyldyrý resýrstaryn qabyldaý pýnktterin ornalastyrý boıynsha jattyǵýlar uıymdastyrylatyn bolady. Quramalar men áskerı bólimderdiń praktıkalyq áreketterine erekshe nazar aýdarylmaq. Jaýyngerlik tehnıkalardy bólimshelerdiń turaqty ornalasqan pýnktterinen belgilengen aýdandarǵa shyǵarý júzege asyrylady.
Qarýly Kúshter aýqymyndaǵy keshendi taktıkalyq-saptyq sabaqtar 6 jeltoqsanǵa deıin jalǵasady.