Qazaqstanda Umai-2023 Ulttyq syılyǵyna qatysýǵa ótinim qabyldaý bastaldy.
Aıtýly shyǵarmashylyq tabystary men úzdik jetistikteri úshin kásibı shyǵarmashylyq ujymdar men jekelegen óner qaıratkerlerin qoldaýǵa baǵyttalǵan baıqaý osymen ekinshi ret ótkizilip otyr, dep habarlaıdy almaty-akshamy.kz 24.kz-ke silteme jasap.
QR Mádenıet jáne aqparat mınıstrliginiń qoldaýymen, bıyl syılyqtar men jalpy júlde qory edáýir ulǵaıdy.
Ótinim qabyldaý
- «Teatr óneri»,
- «Mýzykalyq-oryndaýshylyq óner»,
- «Horeografıalyq óner»,
- «Beıneleý jáne sándik-qoldanbaly óner» tárizdi tórt negizgi nomınasıa boıynsha ótedi.
«Teatr óneri» nomınasıasy boıynsha segiz júlde belgilengen:
- «Opera óneri» (operadaǵy erler jáne áıelder partıasyn úzdik oryndaý),
- «Akterlik sheberlik»(dramalyq nemese mýzykalyq-dramalyq spektákldegi: operetta, múzıkl, rok-opera, mýzykalyq komedıadaǵy úzdik er adam jáne úzdik áıel adam róli),
- «Úzdik rejıssýra» (mýzykalyq-dramalyq nemese dramalyq spektákldegi rejıserlik jumys),
- «Spektákldiń úzdik kórkemdik bezendirilýi» (kostúmder jáne/nemese dekorasıalar),
- «Úzdik mýzykalyq-dramalyq spektákl»- opera, dramalyq/mýzykalyq-dramalyq (operetta / múzıkl / rok-opera / mýzykalyq komedıa),
- «Úzdik dramalyq spektákl / mýzykalyq komedıa».
«Horeografıalyq óner» nomınasıasy boıynsha alty júlde belgilengen:
- «Úzdik bı ujymy»(halyqtyq, zamanaýı nemese estradalyq bı ansambli),
- «Úzdik zamanaýı horeografıa spektakli»,
- «Balettegi úzdik oryndaýshy» (balet solısi /er/ áıel),
- «Úzdik horeograf»,
- «Úzdik klasıkalyq balet spektakli».
Taǵy tórt júldeni jeńimpazdar «Mýzykalyq-oryndaýshylyq óner» nomınasıasy boıynsha alady:
- «Úzdik dástúrli oryndaýshy (án aıtý)», «Úzdik dástúrli oryndaýshy(aspapshy)»,
- «Úzdik mýzykalyq ansámbl» (klasıkalyq),
- «Úzdik mýzykalyq ansámbl» (halyqtyq).
«Beıneleý jáne sándik-qoldanbaly óner» nomınasıasy boıynsha júlde «Úzdik sándik-qoldanbaly óner sheberine» mynadaı sanattar beriledi:
- qolóner sheberi (zergerlik óner, metal óńdeý, eksperımenttik/aralas tehnıkalar),
- qolóner sheberi (aǵash óńdeý, kórkem oıý, keramıka),
- qolóner sheberi (kıiz, tekstıl, toqymashylyq, bylǵary).
«Úzdik beıneleý óneriniń týyndysy» úshin taǵy tórt syılyq taǵaıyndalady, atap aıtqanda:
- «Úzdik keskindeme sheberi»,
- «Úzdik zamanaýı óner sýretshisi (performanstar, ınstallásıalar, art-nysandar jáne t. b.),
- «Úzdik grafıka sheberi» jáne «Úzdik músin sheberi». (Osy atalǵandardyń ishindegi eń sońǵysy alǵash ret paıda boldy, kórkem sýret / grafıka boıynsha ótken jylǵy bir júlde bıyl eki jeke syılyqqa bólindi).
Bıyl «Úzdik balalar spektakli» (eki syılyq) arnaıy júldelermen atap ótiledi, sondaı-aq táýelsiz saraptaý komısıasynyń músheleri fınalısterdiń arasynan «Jyl jańalyǵyn» (sahnalyq óner salasynda) (eki syılyq) tańdaıdy. Shyǵarmashylyqta jańashyl betburys jasaǵan jáne Qazaqstanda, sondaı-aq shetelde teatr salasyndaǵy ózderiniń jarqyn biregeı jetistikteri arqyly tanymal bolǵan, jasy 40-tan aspaǵan sahna óneriniń sheberleri «Jyl jańalyǵy» júldesine úmitker bola alady.
Aıta ketý kerek, ujymdar men oryndaýshylar 2021 jyldyń qyrkúıeginen bastap 2023 jyldyń shildesine deıingi teatr (konserttik) maýsymynda atqarǵan jumystary úshin Umai-2023 syılyǵynyń nomınanttary bola alady. Jekelegen óner qaıratkerleri (opera solıseri, drama akterleri, rejıserler, sýretshi senograftar, kostúmder boıynsha sýretshiler, balet solıseri, horegraftar, mýzykalyq oryndaýshylar) eki jyldan aspaıtyn merzimde, ıaǵnı 2021 jyldan 2023 jylǵa deıin oryndaǵan rólderi/partıalary/shyǵarmashylyq jumystary/mýzykalyq baǵdarlamalary úshin báıgege túsedi. Sýretshiler men sándik-qoldanbaly óner sheberleri de 2021 jyldan erte emes kezeńde jasalǵan jumystary úshin úmitker bola alady. Ótinimderdi qabyldaý 2023 jyldyń 5 jeltoqsanynda aıaqtalady. Syılyqqa ınovasıalyq shyǵarmashylyq qyzmetteri – eldiń mádenıeti men óneriniń damýyna yqpal etetin Qazaqstan Respýblıkasynyń azamattary úmitker bola alady. Nomınanttardy respýblıkalyq, óńirlik nemese jergilikti bılik organdary, mádenıet uıymdary, úkimettik emes uıymdar men qoǵamdyq birlestikter, shyǵarmashylyq odaqtar men qaýymdastyqtar, mádenıet pen óner salasyndaǵy oqý oryndary, sondaı-aq jeke tulǵalar usyna alady. Táýelsiz saraptaý komısıasynyń quramyna enetin Qazaqstannyń tanymal mádenıet jáne óner qaıratkerleri úzdikterdiń úzdigin anyqtaıtyn bolady. Umai-2023 Ulttyq syılyǵy laýreattaryn saltanatty marapattaý rásimi 2023 jyldyń 22 jeltoqsanynda «Astana Opera» teatrynda ótedi. Umai syılyǵy jas mádenıet jáne óner qaıratkerlerine jetistikke talpynýǵa serpin beredi. Sımvolıkalyq mánge ıe syılyqtyń ataýy túp-tamyrymyzǵa qaıta oraltyp, týǵan jerge, tabıǵatqa qamqorlyqpen qaraýǵa shaqyrady jáne tereń fılosofıalyq taqyryptarǵa úndeıdi. Ótinimderdi umaiastanaopera2023@gmail.com poshtasyna jiberýge bolady.