Almatylyq “Qaırattyń” U-19 komandasy UEFA jasóspírímder lıgasynyń 6-turynda grektíń “Olımpıakos” jastar qūramasyn 2:0 esebímen jeńdí, - dep habarlaıdy Aqshamnews.kz tílshísí.
Kezdesu óte qarqyndy bastaldy. Oıynnyń nebárí 4-mınutynda “Qaırat” sapyndaǵy Ramazan Baǵdat dál soqqysymen grek komandasynyń qaqpasyn dál kózdep, eseptí alǵash bolyp ashty.
Ekínshí taımda almatylyqtar basymdyqty tolyq óz qolyna aldy. 57-mınutta Mūhamedálí Ábísh “Olımpıakos” qorǵanysyn qaqyrata ótíp, tablodaǵy eseptí 2:0-ge jetkízdí.
Būl matchte “Qaırat” bastapqy qūramynda Sherhan Qalmūrza, Danıyar Tashpūlatov, Ámírbek Bazarbaev, Mūstafa Shen, Adlan Nūrǵalıev, Shyńǵys Dúısenbek, Mūhamedálí Ábísh, Karım Mūhametjan, Mansūr Bírqūrmanov, Ákejan Qalıqūlov jáne Ramazan Baǵdat alańǵa shyqty.
Osy jeńístíń arqasynda “Qaırat” U-19 jalpy kezeńde alǵashqy tolyq úsh ūpaıyn ıeleníp, turnırdí tórt ūpaımen ayaqtady. Būǵan deıín almatylyqtar Portugalıya, Ispanıya, Kıpr jáne Italıya jastar komandalarynan ūtylyp, Danıya klubymen ótken oıynda teń túsken edí.
Eske salaıyq, keshke ekí klubtyń negízgí qūramalary arasyndaǵy match ótedí jáne bastapqy qūram belgílí bolǵan edí.
