2025 jylǵy 5–6 jeltoqsanda Almaty tehnologıyaǵa qūshtar jastardyń basyn bír jerge toǵystyrǵan ınnovatsıya ordasyna aınaldy. Shahardaǵy "Atakent" kórme ortalyǵynda IT FEST-2025 festıvalí óttí, - dep habarlaıdy Aqshamnews.kz tílshísí. Ís-sharanyń bas seríktesí bolǵan Tımur Qūlybaevtyń HALYK qaıyrymdylyq qory osy bastamaǵa serpín beríp, onyń auqymyn keńeıtuge jáne jastardyń IT-jobalaryn júıelí qoldauǵa jol ashty.
Festıval auqymy qandaı?
ÍT FEST 2025 hakatondar, robototehnıka, kıbersport, dızaın, anımatsıya, startap-jobalar sıyaqty túrlí baǵyttardy bíríktírdí. Jyl saıyn Qazaqstannyń túkpír-túkpírínen, sondaı-aq, BAÁ, Koreya Respublıkasy, Vetnam, Reseı jáne Ózbekstannan kelgen 3000-nan asa qatysushy men 1000-ǵa juyq kórermen "ıdeyalar alańyna" jınaldy.
Festıvalge ǵylym jáne joǵary bílím mınıstrí Sayasat Nūrbek, JI jáne tsıfrlyq damu vıtse-mınıstrí Dmıtrıı Mun, sondaı-aq jetekshí unıversıtetterdíń rektorlary qatysty. Olar jastardy batyl boluǵa, jańa belesterden qoryqpauǵa jáne Qazaqstannyń tsıfrlyq bolashaǵy turaly sóz qozǵady.
"Qazaqstannyń jańa tsıfrlyq dáuírge qandaı qarqynmen qadam basatynyn sízder aıqyndaısyzdar. Mūndaı ís-sharalar – daryndy, belsendí jáne ambıtsıyasy myqty qazaqstandyq jastardy bíríktírgen mańyzdy alań. Sondyqtan qatelesuden qoryqpańyzdar. Ízdeníńízder, synańyzdar, tájírıbe jasańyzdar. Eger qatelesseńízder - qaıta bastańyzdar. Eń myqty ıdeyalar dál solaı tuady. Álemdí ózgerte alatyn kompanıyalar da osylaı paıda bolady", – dedí Sayasat Nūrbek.
Unıversıtetter alyansy jáne AI-Sana
IT FEST 2025 University Alliance of Science and Technology alyansynyń, sondaı-aq ūlttyq AI-Sana baǵdarlamasynyń ayasynda óttí. KBTU mashına oqytu, neıronjelíler jáne geımdev jobalaryn tanystyrsa, AITU HandInHand, Genoplexity.AI, Cortex AI, Torsyq.kz sıyaqty sheshímderín kórsettí. UIB vebtun, dızaın jáne anımatsıya baǵytynda baıqaular ūıymdastyrdy, al IITU jasandy ıntellekt pen kognıtıv tehnologıyalar salasyndaǵy zertteulerín ūsyndy.
HALYK qorynyń qoldauy nege mańyzdy?
Ís-sharanyń bas seríktesí bolǵan HALYK qaıyrymdylyq qory būl qoldaudy jaı demeushílík emes, Qazaqstannyń tehnologıyalyq bolashaǵyna, eldíń jańa buyn IT-kóshbasshylaryna salynǵan mańyzdy ınvestıtsıya retínde baǵalady.
"Tımur Qūlybaevtyń HALYK qory IT FEST-2025 festıvalíníń bas seríktesí bola otyryp, tsıfrlyq tehnologıyalardy damytuǵa jáne jas IT-mamandardy qoldauǵa degen ūstanymymyzdy taǵy bír márte aıqyndap otyr. Bíz úshín mūndaı bastamalarǵa atsalysu – eldíń erteńíne jasalǵan sanaly árí strategıyalyq qadam. Óıtkení dál osyndaı jobalar jańa buyn kásíbı mamandaryn tárbıelep, Qazaqstandy tehnologıyalyq kóshbasshy retínde nyǵaıtady", - dedí Tımur Qūlybaevtyń HALYK qaıyrymdylyq qorynyń basqarushy dırektory Narıman Ábílshaıyqov.
Júlde qory men jastarǵa berílgen múmkíndíkter
Aıta keteıík, bıyl 14-ret ótken festıval jastardyń tsıfrlyq daǵdylaryn shyńdap, zamanauı tehnologıyalarǵa degen qyzyǵushylyǵyn arttyrǵan, naǵyz quatty platformaǵa aınaldy. Bıylǵy jalpy júlde qory shamamen 10 mln teńge boldy. Mektep oqushylary men studentterge arnalǵan trekterdíń jeńímpazdary Alyans unıversıtetterínde bílím aluǵa 50%-dan 100%-ǵa deıíngí granttar men jeńíldíkterge ıe boldy. Al "Qazaqtelekom" kompanıyasynyń 1,5 mln teńge kólemíndegí arnaıy júldesí tehnıkalyq tapsyrmany úzdík oryndaǵan komandaǵa tabystaldy.
Myńnan tūlpar, júzden júırík jastar
Festıval qorytyndysy boıynsha. bírneshe negízgí sektsıyada ondaǵan júldeger anyqtaldy.
HACKATHON (Digital University jáne Digital School) sektsıyasy boıynsha úzdík shyqqan No Failures, No Success, Bad Action, Termınator, Qore komandalary bílím granttary men aqshalaı júldelerge ıe boldy.
Startup Battle saıysynda studentter arasynda EdMind, Genoplexity, QuttyBand jobalary ozyp shyqsa, mektep oqushylary arasynda Memory Care, MedScribe, QazSign áleumettík áserí joǵary startaptarymen erekshelendí. Kórermen kózaıymy júldesí CortexAI komandasyna būıyrdy.
"Kıno jáne vıdeo" baǵytynda studentter men oqushylar túsírgen qysqametrlí fılmder otbasy men qoǵamdaǵy zorlyq-zombylyq, psıhologıyalyq kúı, áleumettík sezímtal taqyryptardy kóterdí. 23.05, Manas34, Skypro, sondaı-aq TWL, Talkhizmedia, Cine Trio komandalary shyǵarmashylyq kózqarasy men tehnıkalyq deńgeıí úshín marapattaldy.
"Dızaın jáne anımatsıya" sektsıyasynda Z-TEAM, OVERLOAD jáne jas ıllyustrator Kamıla Ramazanovanyń jūmystary zamanauı stıl, storytelling jáne vızual mádenıetpen úılesímí úshín joǵary baǵalandy.
Robototehnıkada GPT, Abay Digital, L33 Tech Force komandalary erekshe oılau, prototıpter men sheshímderí arqyly alǵa shyqty. Qosymsha nomınatsıyalarda "Tyndeks" (Best Engineering Solution), "Miras" (Best Web-interface), "TK Robotics" (Best Presentation) sekíldí komandalar daralandy.
ITFEST CP CUP algorıtmdík olımpıadasynda studentter men mektep oqushylary arasyndaǵy úzdík nátıjelerdí Mansūr Mamadahunov, Arsen Mujıkov, Nūrlybek Esbolǵanov, Isataı Ismaǵzı, Aldıyar Seıtbaı kórsettí.
Cybersecurity CTF jarysynda Vetnamnan kelgen Univer Sea komandasy, sondaı-aq mimi cats (QazŪU) jáne Pelmenı (Astana IT University) komandalary ınformqauípsízdík salasyndaǵy myqty daıyndyqtaryn dáleldedí.
Kıbersport turnırí CS, Dota jáne FIFA dıstsıplınalary boıynsha 1,5 mln teńgelík júlde qorymen elímízdegí kıbersport qauymdastyǵyn bíríktírdí.
Robototehnıka sektsıyasynda 1-oryn ıelengen "GPT" komandasynyń múshesí Álnūr Sembaev IT FEST 2025-tí kásíbı damuyna jańa serpín bergen alań retínde baǵalady.
"IT FEST kóp múmkíndík berdí. Robotymyzdy jasau úshín bírneshe aı boıy eńbek ettík. Ūıymdastyrushylarǵa zor alǵys. Tek kod jazyp, temír qūrastyrǵan joqpyz, komanda bolyp sheshím qabyldaudy, jobamyzdy dūrys tanystyrudy da úırendík. Mūndaı festıvalder kóbeıgen saıyn, Qazaqstanda myqty jas ınjenerler buyny qalyptasatynyna senemín. Eńbek aqtaldy", – dedí ol.
Sondaı-aq, Vetnamnan kelgen Univer Sea tobynyń múshesí de jarys ūıymdastyrushylaryna alǵys aıtty.
IT FEST 2025 ayasynda baǵdarlamalau, robototehnıka, medıaóndírís, dızaın, kıberqauípsízdík jáne kıbersport salalarynda júzdegen qatysushy óz darynyn kórsetíp, qoldau tapty.
suretter: Halyk qaıyrymdylyq qorynyń baspasózínen
