Óskemende jeke úıde qazan jarylyp, 7 jastaǵy qyz auruhanaǵa jetkízíldí, dep habarlaıdy Aqshamnews.kz tílshísí Yk.news-kz-ke sílteme jasap.
ShQO TJD málímetínshe, 28-shaǵyn audandaǵy jeke úıde ūzaq janatyn qazan jarylǵan. Qūraldyń jaryluy saldarynan úıdíń íshkí bólmearalyq qabyrǵasy zaqymdanǵan. Oqıǵa kezínde úıde 2017 jyly tuǵan búldírshín bolǵan.
Qyz bala Ana men bala ortalyǵyna jetkízílíp, dárígerler tekseru júrgízgen. Oblystyq densaulyq saqtau basqarmasynyń habarlauynsha, qaraudan keıín balany úıíne jíbergen – densaulyǵyna tíkeleı qauíptí jaǵdaı anyqtalmaǵan.
Oqıǵa ornyna Óskemen ákímí Almat Aqyshev ta bardy. Onyń aıtuynsha, tótenshe jaǵdaıǵa elektr jelíleríndegí aqaudan tuyndaǵan qazannyń qyzyp ketuí sebep bolǵan.
«Osy shaǵyn audandaǵy elektr jelíleríndegí problemalardy on kún íshínde tolyq sheshudí tapsyrdym. Qazírgí uaqytta oqıǵa kezínde úıde bolǵan tūrǵyndar medıtsınalyq tekseruden ótíp jatyr. Aldyn ala málímet boıynsha, ómíríne qauíp joq. Jaǵdaı meníń baqylauymda», – dedí qala ákímí.
