Almatyda qysqy turıstík mausym bastaldy. Qala jyl boı turıstík ortalyq retíndegí mártebesín nyǵaıtyp keledí, al tauly aımaqtarǵa qyzyǵushylyq jazda da, qysta da tūraqty túrde joǵary. 2025 jyly qańtar-qarasha aılarynda Íle-Alatau ūlttyq sayabaǵyna 901 myń adam, al qańtar-qazan aralyǵynda Shymbulak kurortyna 1,1 mln turıst kelgen. 2025 jyldyń jazynda Shymbulak 450 myńnan astam qonaqty qabyldady. Būl taudaǵy demalysqa degen sūranystyń jyl boıyna joǵary ekenín kórsetedí.
Qysqy kezeńdegí basty turıstík nysan dástúrlí túrde – 6 jeltoqsanda mausymdy resmı túrde ashqan Shymbulak tau-shańǵy kurorty. Kurort Ortalyq Azıyadaǵy jetekshí baǵyttardyń bírí sanalady. Ótken mausymda mūnda 1,5 mln adam keldí, al halyqaralyq basylymdar Shymbulak-ty álemdegí eń úzdík 5 tau shańǵysy baǵyttarynyń qataryna engízdí.
Jańa mausymda Shymbulak turıstík belsendílík ayasyn keńeıtedí. Le Mont alańynda ár senbí saıyn kúndízgí après-ski ótedí. Qazírdíń ózínde Talǵar, Jasyl Alań, Aq Ayu jáne Aqbarsyq trassalary ashyq. Qosymsha betkeıler men Talǵar asuynan túngí syrǵanau alańdary aua raıy tūraqty suytqan sátten bastap íske qosylady.
2025 jyldyń úsh toqsanynda Almatyǵa 563 myń sheteldík turıst keldí, al jyl sońyna qaraı olardyń sany 750 myń adamǵa deıín artpaq. Osy jaǵdaıdy eskere otyryp Shymbulak qonaqtardy qabyldauǵa tolyq daıyn: bes aı boıy shańǵy mausymy, mazmūndy ís-sharalar baǵdarlamasy jáne taudaǵy demalysqa yńǵaıly ınfraqūrylym ūsynylady.
