Qazaqstan men Reseı shekarasynda jer silkinisi boldy, dep habarlaıdy Aqshamnews.kz tilshisi.
Qazaq ulttyq derekter ortalyǵynyń jedel málimetine sáıkes, 9 jeltoqsanda Astana ýaqytymen 15:36-da Reseı aýmaǵynda jer silkinisi tirkeldi. Jer asty dúmpýleriniń magnıtýdasy 5,0 bal bolǵan.
Eýropalyq-Jerorta teńizi seısmologıalyq ortalyǵynyń málimetinshe, zilzalanyń epısentri Reseıdegi Aqtash aýylynan soltústik-batysqa qaraı 40 shaqyrym qashyqtyqta ornalasqan.
Eske salaıyq, 6 jeltoqsanda Qazaqstan seısmologtary taǵy bir jer silkinisin tirkegen bolatyn. Ol kezde jerasty dúmpýleri Taraz ben Shymkent qalalarynda 2 bal shamasynda sezilgen.
Sondaı-aq, 4 jeltoqsanda Qytaıdyń ońtústik Sınszán óńirinde magnıtýdasy 6,1 bolatyn jer silkinisi bolyp, onyń dúmpýleri Almaty qalasy, Almaty, Jambyl jáne Jetisý oblystarynda da sezilgen edi.