Jambyl oblysynda polıtsıya 40 jastaǵy Shu qalasynyń tūrǵynyn qatygezdíkpen óltíru faktísí boıynsha tergeu júrgízíp jatyr, dep habarlaıdy Aqshamnews.kz tílshísí KTK arnasyna sílteme jasap.
Telearna málímetínshe, áıel bírneshe kún boıy tuǵandarymen baılanysqa shyqpaǵan. Almatydan kelgen ūly anasyn óz páterínde ólí kúıínde tauyp alǵan. Marqūmnyń denesínde pyshaq jaraqattary bolyp, qatty zaqymdanǵany anyqtalǵan.
Polıtsıyanyń habarlauynsha, jedel ízdestíru sharalarynyń nátıjesínde kúdíktí retínde Shuǵa qarasty audannyń 35 jastaǵy tūrǵyny ūstaldy. Ol qaza tapqan áıelmen būrynnan tanys bolǵany belgílí, alaıda qylmystyń sebebí ázírge jarıya etílmeı otyr.
«Polıtsıya qyzmetkerlerí Shu audanynyń 35 jastaǵy tūrǵynyn kúdíktí retínde ūstap, uaqytsha ūstau ızolyatoryna qamady. Qazírgí uaqytta qylmysty jan-jaqty, tolyq jáne obektıvtí tergeuge, sondaı-aq barlyq mán-jaıdy anyqtauǵa baǵyttalǵan qajettí tergeu áreketterí júrgízílíp jatyr», – dep habarlady polıtsıya.
